Hide Me

¹Kumongameli. Umhobe kaDavide. Live, Thixo, izwi lam ekukhalazeni kwam; Ekunkwantyiseni kotshaba bulondoloze ubomi bam."

²Ndisithelise egquguleni labanobubi, Ehlokondibeni labasebenzi bobutshinga;"

³Abalulola njengekrele ulwimi lwabo, Abaxuna iintolo zabo, amazwi akrakra,"

⁴Bamtole ogqibeleleyo besentsithelweni; Bamtola ngesiquphe, bangoyiki."

⁵Bazomelezela ilizwi elibi, Bagqiba kwelokuba bafihle izirhintyelo, Bathi, Singabonwa ngubani na?"

⁶Baceba ubugqwetha; Baligqibile icebo abalicebileyo; Imbilini yendoda nentliziyo yayo yinzulu."

⁷Ke uThixo uyabatola ngotolo; Amanxeba abo abakho ngesiquphe."

⁸Baya kukhutyekiswa, lufikele kwabona ulwimi lwabo; Bayahlunguzela intloko bonke abababonayo."

⁹Basuka boyike bonke abantu, Bawuxele umsebenzi kaThixo, Basiqiqe isenzo sakhe."

¹⁰Liya kuvuya ilungisa ngoYehova, lizimele ngaye, Baqhayise bonke abantliziyo zithe tye."