Hide Me

¹Batho ka moka ba lefaseng ba tla go khunamela, Ba tla go opelela, ba tla opelela leina la gago.”"

²Etlang le bone mediro ya Modimo. Tsela yeo a dirišanago ka yona le bana ba batho e a boifiša."

³O fetošitše lewatle naga e omilego; Ba tshetše noka ka dinao. Gona moo re ile ra mo thabela."

⁴O buša ka matla a gagwe go iša mehleng ya neng le neng. Mahlo a gagwe a dula a šeditše ditšhaba. Ge e le bao e lego dinganga, anke ba se iphagamiše."

⁵Lena merafo, retang Modimo wa rena, Kwagatšang lentšu la go mo tumiša."

⁶O phediša moya wa rena, Gomme ga se a dumelela lenao la rena gore le šišinyege."

⁷Gobane wena Modimo o re hlahlobile; O re sekišitše go etša ge go sekišwa silifera."

⁸O re tsentše ka lokweng la go tsoma; O imeditše matheka a rena."

⁹O dirile gore motho wa nama le madi a re gate ka godimo ga dihlogo; Re fetile mollong le meetseng, Ke moka wa re imolla."

¹⁰Ke tla tla ntlong ya gago le dibego tše di feletšego tša go fišwa; Ke tla phetha dikeno tšeo ke go enetšego tšona"