My Soul Thirsteth

¹Yena o thea dithaba a di tiiša ka matla a gagwe; O itlhamile ka matla."

²O homotša lešata la mawatleng, Lešata la maphoto a ona gotee le khuduego ya ditšhaba."

³Badudi ba lego dikarolong tša kgolekgole ba tla tšhošwa ke dipontšho tša gago; O dira gore go hlaba ga letšatši le go dikela ga lona di goelele ka lethabo."

⁴O hlokomela lefase, o le dira gore le tšweletše ka boati; O le humiša kudu. Molapo o tšwago go Modimo o tletše meetse. O mediša mabele a bona, Gobane yeo ke tsela yeo o lokišetšago lefase ka yona."

⁵Go kolobišwa diforo tša lona, go batalatšwa makwate a lona; O le letefatša ka medupi; o šegofatša mahlogedi a lona."

⁶O rwešitše ngwaga dilo tša gago tše dibotse, Gomme mehlala ya gago e rotha makhura."

⁷Mafulo a lešokeng a dula a rotha, Meboto e itlemile ka lethabo."

⁸Mafulo a apešitšwe ke dihuswane, Meedi yona e khupeditšwe ke mabele. Di gobela mogobo, ee, di a opela."

⁹Gobelang Modimo megobo, lena batho ka moka ba lefaseng."

¹⁰Opelelang letago la leina la gagwe. Mo tagafatšeng ka tumišo."

¹¹Botšang Modimo le re: “Mediro ya gago e boifiša gakaakang! Manaba a gago a tla tla go wena a phophotha ka baka la bogolo bja matla a gago."