Banner of Truth

¹Kumongameli; ngeyenyibiba yesingqino. Eliligugu. EkaDavide. Eyokufundisa: ekulweni kwakhe nama-Aram phakathi kweMilambo nama-Aram aseTsobha; wabuya uYowabhi, wawabulala amaEdom emfuleni wetyuwa, amawaka alishumi elinamabini. Thixo, usihlambile, wasichitha, Waqumba; ngamana wasibuyisa."

²Ulinyikimisile ilizwe, ulikrazule; Philisa iintanda zalo ngokuba lishukuma."

³Ubabonisile abantu bakho into elukhuni, Usiseze iwayini ehexisayo."

⁴Ubanike ibhanile abakoyikayo, Ukuba bayiphakamise ngenxa yenyaniso. (Phakamisani.)"

⁵Ukuze zihlangulwe iintanda zakho, Sindisa ngesandla sakho sokunene, undiphendule."

⁶UThixo uthethe engcwele: mandivuyelele, Ndimabe uShekem, ndiyilinganisele intili yaseSukoti."

⁷Ngowam uGiliyadi, ngowam uManase, UEfrayim sisigcina-ntloko sam, UYuda yintonga yam yommiselo;"

⁸UMowabhi sisitya sam sokuhlambela, Ndiyiphosa kuEdom imbadada yam; Filisti, nkqangaza wena ngam."

⁹Ngubani na owondisa emzini wamandla? Ngubani na owondikhaphela kwaEdom?"

¹⁰Asinguwe na, kwawena Thixo, osihlambileyo? Akwaphuma, Thixo, nemikhosi yethu."

¹¹Sincede kumbandezeli wethu; Alunto yanto usindiso lomntu."

¹²NgoThixo siya kweyisa, Wobagqusha yena ababandezeli bethu."