Plea for Mercy in Distress

¹Kumongameli wokubethelwa izinto ezineentambo: ngelamadoda ilizwi. Umhobe kaDavide. Yehova, musa ukundohlwaya unomsindo, Ungandithethisi unobushushu."

²Ndibabale, Yehova, ngokuba ndintshwenyile; Ndiphilise, Yehova, ngokuba ekhwankqisiwe amathambo am."

³Umphefumlo wam ukhwankqiswe kakhulu; Ke wena, Yehova, koda kube nini na?"

⁴Buya, Yehova, uwuhlangule umphefumlo wam; Ndisindise ngenxa yenceba yakho."

⁵Ngokuba ekufeni akusekho kukukhumbula; Kwelabafileyo ngubani na osenokubulela kuwe?"

⁶Ndidiniwe kukugcuma kwam; Ndiludadisa ubusuku bonke ukhuko lwam, Ndiwenza manzi umandlalo wam ngeenyembezi zam."

⁷Lonakele kukukhathazeka iliso lam; Laluphele ngenxa yababandezeli bam bonke."

⁸Sukani kum, nina nonke basebenzi bobutshinga; Ngokuba uYehova ulivile ilizwi lokulila kwam."

⁹Ukuvile uYehova ukutarhuzisa kwam; UYehova umthandazo wam uyawamkela."

¹⁰Ziya kudana, zikhwankqe kakhulu, zonke iintshaba zam; Ziya kubuyiswa zidanile ngephanyazo."