Deliver Me from Mine Enemies

¹Kumongameli; ngethi, Ungonakalisi. EkaDavide. Eliligugu: ekuthumeleni kukaSawule, bayilinda indlu ukuba bambulale. Ndihlangule ezintshabeni zam, Thixo wam, Ndise engxondeni kwabasukela phezulu kum."

²Ndihlangule kubasebenzi bobutshinga; Ndisindise ebantwini abanamagazi."

³Ngokuba nabo bewulalela umphefumlo wam; Baqukana ngam abanamandla, Kungekho lukreqo kum, kungekho sono kum, Yehova."

⁴Ndingenabugwenxa nje, bagidime baxhoba. Vuka, undikhawulele, ubone."

⁵Wena Yehova, Thixo wemikhosi, Thixo kaSirayeli, Phapha, uzivelele zonke iintlanga; Musa ukubayeka bonke abanginizayo bengabagqithi. (Phakamisani.)"

⁶Bayabuya ngokuhlwa, bayavungama njengezinja, Bawuhamba-hambe umzi."

⁷Nabo belephuza amagwebu ngomlomo; Ngamakrele emlonyeni wabo; Ngokuba bathi, Kuva bani na?"

⁸Wena, Yehova, uyabahleka, Uyazigculela zonke iintlanga."

⁹Mandla am, ndiva kulindela kuwe; Ngokuba uThixo uyingxonde yam."

¹⁰UThixo wam uya kundikhawulela ngenceba yakhe; UThixo uya kundibonisa abandilaleleyo."

¹¹Musa ukubabulala, hleze balibale abantu bakowethu; Babhadulise ngamandla akho, ubawise, Ngweletshetshe yethu, Nkosi yethu."

¹²Isono somlomo wabo lilizwi lemilebe yomlomo wabo; Mababanjiswe likratshi labo, Nangenxa yokushwabula nokuhanahanisa abakuthethayo."

¹³Bagqibe ngobushushu; gqiba, bangabi sabakho; Baqonde ukuba uThixo ngumlawuli kwaYakobi, Wesa eziphelweni zehlabathi. (Phakamisani.)"

¹⁴Bayabuya ngokuhlwa, bayavungama njengezinja, Bawuhamba-hambe umzi."

¹⁵Bona babhadulela ukudla; Ukuba bathe abahlutha, balala apho."

¹⁶Ke mna, ndiya kuvuma ngamandla akho, Ndimemelele kwakusasa ngenceba yakho, Kuba ubuyingxonde kum, Nendawo endisabela kuyo ngemini yokubandezelwa kwam."

¹⁷Mandla am, ndiya kukubethela uhadi; Ngokuba uThixo yingxonde yam, nguThixo wam onenceba."