Deliver Me from Mine Enemies

¹Wena Modimo, na ga se wena yo a re lahlilego Gomme wa se tšwe le madira a rena o le Modimo wa rena?"

²Re thuše tlalelong yeo re lego go yona, Ka ge phološo e tšwago go motho wa lefaseng e se na mohola."

³Modimo o tla re nea matla, Gomme yena o tla gatakela manaba a rena."

⁴Ekwa sello sa ka sa ge ke go lopa, hle Modimo. Theetša thapelo ya ka."

⁵Ke tla lla ke le pheletšong ya lefase ge pelo ya ka e fokola, ka llela wena. Anke o nkiše leswikeng leo le mphetago ka bogolo."

⁶Gobane o bile setšhabelo sa ka, O bile tora e tiilego ge ke be ke lebeletšane le lenaba."

⁷Ke tla ba moeng ka tenteng ya gago go iša mehleng ya neng le neng; Ke tla tšhabela tlase ga maphego a gago moo nka utamago gona."

⁸Gobane wena Modimo o theeditše dikeno tša ka. O nneile leruo leo le thabelwago ke bao ba boifago leina la gago."

⁹O tla okeletša kgoši matšatši a yona; Nywaga ya yona e tla feta ya meloko e mentši yeo e tlago go tla e hlatlamana."

¹⁰E tla dula pele ga Modimo go iša mehleng ya neng le neng; Hle romela botho le therešo, gore tšona di e šireletše."

¹¹Ka gona ke tla opelela leina la gago ka mo go sa felego, Gore ke phethe dikeno tša ka letšatši le letšatši."

¹²Moya wa ka o letetše Modimo o ikhomoletše. Ke yena a mphološago."

¹³Ke leswika la ka le mophološi wa ka, ke sebo sa ka; Nka se tekeme o šoro."

¹⁴Motho yo le nyakago go mmolaya le tla mo hlomarela go fihla neng? Ka moka ga lena le bjalo ka leboto la go sekama, e lego morako wa maswika wo o lego kgauswi le go wa."

¹⁵Ba nea motho keletšo e mpe e le gore ba mo theole seriti; Ba thabela go bolela maaka. Ba šegofatša ka melomo ya bona, eupša ka dipelong tša bona ba a rogaka."

¹⁶Wena moya wa ka, letela Modimo o ikhomoletše, Ka gobane ke holofetše yena."

¹⁷Ke leswika la ka le mophološi wa ka, ke sebo sa ka; Nka se tekeme."