Judge of the Earth

¹Eupša ge e le nna ke tla opela mabapi le matla a gago, Gomme mesong ke tla bolela ka lethabo ka botho bja gago. Gobane o sebo sa ka Le lefelo leo ke tšhabelago go lona letšatšing la ge ke le tlalelong."

²Wena Matla a ka, ke tla go opelela, Gobane wena Modimo o sebo sa ka, Modimo yo a mpontšhago botho."

³Wena Modimo, o re lahlile, o re phutše mašoba, O re tuketše bogale. Re tsošološe."

⁴O šišintše lefase, o le pharotše. Thiba mašoba a lona, gobane le tekatekile."

⁵O baketše batho ba gago go bona mathata. O dirile gore re nwe beine yeo e re thekesedišago."

⁶Bao ba go boifago o ba neile sešupo Sa gore ba phefe bora."

⁷Anke o re phološe ka seatla sa gago sa le letona o be o re arabe, E le gore bao o ba ratago ba hlakodišwe."

⁸Modimo yena o boletše a le bokgethweng bja gagwe a re: “Ke tla hlalala, ke tla ntšha Shikeme e le karolo ya bohwa; Ke tla ela moedi wa Sukothe."

⁹Gileada ke ya ka le Manase ke ya ka, Efuraime ke sebo sa yo ke mmeilego moetapele; Juda ke molamo wa ka wa go laola."

¹⁰Moaba ke pitša ya ka ya go hlapela. Ke tla foša Edomo ka ramphašane ya ka. Ke tla gobela Filisita mogobo.”"

¹¹Ke mang yo a tlago go nkiša motseng o rakeletšwego? Ke mang yo a tlago go nketa pele go fihla Edomo?"