When I Am Afraid

¹Kumongameli; ngeyehobe elithe cwaka phakathi kwabakude. EkaDavide. Eliligugu. Ukubanjwa kwakhe ngamaFilisti eGati. Ndibabale, Thixo, ngokuba abantu bendizonda; Bandixinile, besilwa yonke imini;"

²Abandilalelayo bandizonda yonke imini, Ngokuba baninzi abalwa nam beziphakamisile."

³Mhlana ndinxunguphalayo mna, Ndokholosa ngawe."

⁴Ndiya kulidumisa ngoThixo ilizwi lakhe, Ndikholose ngoThixo, ndingoyiki; Inokundenza ntoni na inyama?"

⁵Yonke imini bayawaphambanisa amazwi am; Zingam zonke iingcinga zabo zobubi."

⁶Baqukene, babonisele, Bona bagcine izithende zam, Ngokokuba belinde umphefumlo wam."

⁷Bengamatshinga nje, bosinda na? Zihlise ngomsindo izizwe, Thixo."

⁸Ukuphalaphala kwam ukubhalile wena; Yitha iinyembezi zam entsubeni yakho; Azisencwadini yakho na?"

⁹Ziya kubuya umva ke iintshaba zam, mhlana ndibizayo; Ndiyakwazi oku, ukuba uThixo unam."

¹⁰Ndilidumisa ngoThixo ilizwi, Ndilidumisa ngoYehova ilizwi."

¹¹Ndikholose ngoThixo, ndingoyiki; Unokundenza ntoni na umntu?"

¹²Ziphezu kwam, Thixo, izibhambathiso zakho; Ndiya kuyizalisa kuwe imibingelelo yombulelo."

¹³Ngokuba uwuhlangule ekufeni umphefumlo wam, Iinyawo zam ekukhubekeni, Ukuba ndihambe phambi koThixo Ekukhanyeni kobomi."