A Prayer of Repentance

¹Eupša ke tla ba bjalo ka mohlware o motala ntlong ya Modimo; Ke botile botho bja Modimo go iša mehleng ya neng le neng, gaešita le ka mo go sa felego."

²Ke tla go reta go iša mehleng ya neng le neng, gobane o gatile mogato; Ke tla holofela leina la gago pele ga bao ba go botegelago, ka gobane ke mo gobotse."

³Wa go hloka tlhaologanyo o ipotša ka pelong ya gagwe gore: “Jehofa ga a gona.” Ba dirile tše di senyago gomme ba dira tše di šišimišago tše di sa lokago; Ga go yo a dirago tše botse."

⁴Ge e le Modimo, o lebeletše fase a le gona kua legodimong gore a bone bana ba batho, Gore a bone ge e ba go na le yo a nago le temogo, yo a tsomago Jehofa."

⁵Ka moka ga bona ba arogile, ka moka ga bona ba senyegile; Ga go yo a dirago tše botse, Le o tee ga a gona."

⁶Na ga go le o tee wa bao ba tlwaetšego go dira tše di gobatšago yo a nago le tsebo, E le mo ba eja batho ba ka go etša ge ba eja dijo? Le Jehofa ga se ba mmitša."

⁷Gona moo ba be ba tšhogile kudu, Mo go bego go se na se se tšhošago; Gobane Modimo yena o tla gašanya marapo a mang le mang yo a hlomago mešaša gore a le hlasele. Le tla ba hlabiša dihlong ka gobane Jehofa o ba lahlile."

⁸A mola phološo e kgolo ya Isiraele e ka be e etšwa Tsione! Ge Jehofa a bušetša morago batho ba gagwe bao e lego mathopša, Anke Jakobo a thabe, anke Isiraele a hlalale."

⁹Mphološe ka leina la gago, hle Modimo, O nkemelele ka matla a gago."

¹⁰Ekwa thapelo ya ka, hle Modimo; Sekegela dipolelo tša molomo wa ka tsebe."

¹¹Gobane go na le bašele bao ba ntsogetšego matla, Le dinkgwete tšeo di tsomago moya wa ka. Ga se ba bea Modimo ka pele ga bona. Se?lah."

¹²Bonang! Modimo ke mothuši wa ka; Jehofa o na le bao ba thekgago moya wa ka."

¹³O tla bušetša manaba a ka bobe bja bona; O tla a tswalela melomo ka therešo ya gago."

¹⁴Ke tla go direla sehlabelo ka go rata. Wena Jehofa, ke tla reta leina la gago, gobane ke mo gobotse."

¹⁵Gobane o ntlhakodišitše ditlalelong tšohle, Gomme leihlo la ka le bone ge manaba a ka a ewa."

¹⁶Sekegela thapelo ya ka tsebe, hle Modimo; O se ke wa ikutela kgopelo ya ka ya gore o nkgaugele."

¹⁷Ntheetše gomme o nkarabe. Ga ke dudišege ka baka la seo se ntshwenyago, Ke ferekane,"

¹⁸Ka baka la lentšu la lenaba le kgatelelo yeo e tlišwago ke yo kgopo. Ka gobane ba ntahlela seo se gobatšago, Ba ntira tša bonaba ba galefile."

¹⁹Pelo ya ka e kwa bohloko kudu ka gare ga ka, Gomme ke wetšwe ke letšhogo la go boifa lona lehu."