God the Judge

¹Ke go diretše sebe, ke se diretše wena feela, Ke dirile se sebe mahlong a gago; Ge e le wena o lokile ge o bolela, E bile o hloka bosodi ge o ahlola."

²Ke belegwe gabohloko ke na le molato, Le gona mma o nkimile ke na le sebe."

³Wena o kgahlwa ke therešo yeo e lego ka garegare ga ka; Anke o ntsebiše bohlalehlale ka pelong ya ka."

⁴Anke o ntlhwekiše sebeng sa ka ka semela se se bitšwago hisopo e le gore ke hlweke; Anke o ntlhatswe e le gore ke šweufale go feta le kapoko."

⁵Anke o ntire gore ke thabe ke be ke hlalale, E le gore marapo ao o a pšhatlagantšego a tle a thabe."

⁶Uta sefahlego sa gago gore se se bone dibe tša ka, O be o phumole le melato ya ka ka moka."

⁷Bopa pelo e sekilego ka go nna, hle Modimo, O ntsenye moya o mofsa, wona moya o tiilego."

⁸O se ke wa ntahlela kgole wa ntloša pele ga sefahlego sa gago; Hle o se ke wa nkamoga moya wa gago o mokgethwa."

⁹Ntsošološetše lethabo le le tlišwago ke go phološwa ke wena, Anke o nthekge ka go ntira gore ke be le moya wa go rata go go kwa."

¹⁰Ke tla ruta baarogi ditsela tša gago, Gore badiradibe bona ba retologele go wena."

¹¹Ntlhakodiše molatong wa madi hle Modimo, wena Modimo yo a mphološago, E le gore leleme la ka le bolele ka toko ya gago le thabile."

¹²Anke o bule melomo ye ya ka, hle Jehofa, Gore molomo wa ka o go tumiše."

¹³Gobane ga o kgahlwe ke sehlabelo—go sego bjalo ke be ke tla go nea sona; Ga o thabišwe ke sebego se se feletšego sa go fišwa."

¹⁴Dihlabelo tšeo di direlwago Modimo ke moya o robegilego; Pelo e robegilego le e setlegilego o ka se e nyatše, wena Modimo."

¹⁵Dirišana le Tsione gabotse ka tsela e go kgahlago; Anke o tsošološe merako ya Jerusalema."

¹⁶Ke moo o tlago go kgahlwa ke dihlabelo tša toko, Wa kgahlwa ke sehlabelo sa go fišwa le sebego se se feletšego; Ke moo dipoo di tlago go neelwa aletareng ya gago."

¹⁷Wena mogale, go re’ng o ikgantšha ka se sebe? Botho bja Modimo bo gona letšatši ka moka."

¹⁸Leleme la gago le loga maano a go baka mathata, le louditšwe bjalo ka legare, Le dira tša bofora."

¹⁹O ratile se sebe go feta se sebotse, Wa rata maaka go feta go bolela se se lokilego. Se?lah."

²⁰O ratile mantšu ka moka a gobatšago, Wena leleme la bofora."

²¹Modimo yena o tla buša a go phušolela sa ruri; O tla go wiša a go gogela kgole le tente ya gago, A go tumola ka medu nageng ya bao ba phelago. Se?lah."

²²Baloki ba tla bona seo gomme ba boifa, Ba tla go sega."

²³Šo monnatia yo a sa dirego Modimo sebo sa gagwe, Eupša a botile mahumo a gagwe ao a mo atetšego, A itšhireletša ka mathata ao a a bakelago ba bangwe."