Clap Your Hands

¹Kumongameli; eyoonyana bakaKora. Umhobe. Nonke zizwe, bethani izandla, Dumani kuThixo ngezwi lokumemelela."

²Ngokuba uYehova Osenyangweni uyoyikeka; Ngukumkani omkhulu ehlabathini lonke."

³Uzikhandanisela phantsi kwethu izizwe, Izizwe phantsi kweenyawo zethu."

⁴Usinyulela ilifa lethu, Iqhayiya likaYakobi awamthandayo. (Phakamisani.)"

⁵UThixo unyukile, kudunywa; Unyukile uYehova, kuhlokoma isigodlo."

⁶Mbetheleni uhadi uThixo, mbetheleni, Mbetheleni uhadi uKumkani wethu, mbetheleni!"

⁷Ngokuba uKumkani wehlabathi lonke nguThixo; Mbetheleni ngeyokuqiqa."

⁸UThixo nguKumkani weentlanga; UThixo uhleli etroneni yakhe engcwele."

⁹Amanene ezizwe ahlanganisene, Abantu boThixo ka-Abraham; Ngokuba iingweletshetshe zehlabathi zezikaThixo; Unyusiwe kakhulu yena."