A Royal Wedding

¹Yena o itše: “Lesetšang go lwa gomme le tsebeng gore ke nna Modimo. Ke tla phagamišwa ditšhabeng, Ke tla phagamišwa lefaseng.”"

²Jehofa wa madira o na le rena; Modimo wa Jakobo ke sebo sa rena."

³Lena merafo ka moka, opang magoswi. Gobelang Modimo ka mokgoši wa go hlalala."

⁴Gobane Jehofa, yena Yo Godimodimo, o a boifiša, Ke Kgoši e kgolo lefaseng ka moka."

⁵O tla fenya merafo gore e be ka tlase ga rena Gomme a fenya ditšhaba gore di be ka tlase ga dinao tša rena."

⁶O tla re kgethela bohwa bja rena, E lego bjoo Jakobo yoo a mo ratilego a ikgantšhago ka bjona."

⁷Modimo o rotogile ka megobo, Jehofa o rotogile ka modumo wa phalafala."

⁸Opelelang Modimo, opelang. Opelelang Kgoši ya rena, opelang."

⁹Gobane Modimo ke Kgoši ya lefase ka moka; Opelang le bontšha temogo."

¹⁰Modimo ke kgoši ya ditšhaba. Modimo yena o dutše godimo ga sedulo sa gagwe sa bogoši se sekgethwa."

¹¹Bakgomana ba merafo bona ba kgobokane gotee Le batho ba Modimo wa Aborahama. Gobane bao ba etšago dikotse tša lefase ke ba Modimo. Yena o godimodimo boemong bja gagwe bjo bo phagamego."

¹²Jehofa ke yo mogolo e bile o swanelwa ke go tumišwa kudu Motseng wa Modimo wa rena, thabeng ya gagwe e kgethwa."

¹³Ke o mobotse e bile o phagame, ke wona tlhalalo ya lefase ka moka, Ke Thaba ya Tsione yeo e lego ka leboaboa, Motse wa Kgoši e Kgolo."

¹⁴Dintlong tša dibo tša motse woo Modimo yena o tsebja e le sebo."

¹⁵Tsebang gore dikgoši di lakane gore di kopane, Di fetile motseng woo di le gotee."

¹⁶Tšona di o bone; ka gona di be di maketše. Di ile tša ferekana gomme tša tšhaba di tšhogile."

¹⁷Di ile tša thothomela di le moo, Tša šokwa go etša mosadi yo a belegago."