Blessed is He That Considereth the Poor

¹Kumongameli. Umhobe kaDavide. Hayi, uyolo lwalowo unyamekela ihlwempu! Ngomhla wobubi uYehova uya kumhlangula."

²UYehova uya kumlondoloza amgcine, aphile. Kuya kuthiwa unoyolo yena ehlabathini; Ungamnikeli elitheni leentshaba zakhe."

³UYehova uya kumxhasa elukhukweni lobulwelwe; Uya kuluguqula ukhuko lwakhe lonke esifeni sakhe."

⁴Ndithi mna, Yehova, tarhu; Philisa umphefumlo wam, ngokuba ndonile kuwe."

⁵Iintshaba zam zithetha kakubi ngam; Zithi, Uya kufa nini na, lidake igama lakhe?"

⁶Nothe weza kundilunguza, uthetha into ekhohlakeleyo; Intliziyo yakhe ibutha ubutshinga; Uphuma phandle, abuthethe."

⁷Basebezelana ngam bonke abandithiyayo; Bacinga ububi ngam."

⁸Bathi, Unanyekwe bubutshijolo, Engoleleyo nje, akayi kubuya avuke."

⁹Kwanendoda ebixolelene nam, ebe ndikholose ngayo, Ebisidla isonka sam, indiphakamisele isithende sayo."

¹⁰Wena Yehova, ndibabale, undiphakamise, Ndibabuyekeze."

¹¹Ndazi ngale nto, ukuba undinonelele, Yokokuba lungenakundidumela utshaba lwam."

¹²Mna ekugqibeleleni kwam uyandixhasa, Undimisa phambi kwakho ngonaphakade."

¹³Makabongwe uYehova, uThixo kaSirayeli, kususela kwaphakade kude kuse ephakadeni. Amen, amen."