Evening Prayer

¹Umhobe kaDavide, ekubalekeni kwakhe kuAbhisalom unyana wakhe. Yehova, hayi, ukuba baninzi kwabandibandezelayo! Baninzi abasukela phezulu kum."

²Baninzi abathi kumphefumlo wam, Akunalusindiso kuThixo. (Phakamisani.)"

³Ke wena, Yehova, uyingweletshetshe kum, Uluzuko lwam, umphakamisi wentloko yam."

⁴Ndidanduluka kuYehova ngezwi lam, Andiphendule entabeni yakhe engcwele. (Phakamisani.)"

⁵Ndalala phantsi, ndalala ubuthongo; Ndavuka, ngokuba uYehova endixhasa."

⁶Andizoyiki izigidi zabantu Abakhe uluhlu lokulwa ngeenxa zonke kum."

⁷Khawusuk’ ume, Yehova; ndisindise, Thixo wam; Ngokuba uzibetha zonke iintshaba zam emhlathini; Amazinyo abangendawo uyawaphula."

⁸Usindiso lolukaYehova: Mayibe phezu kwabantu bakho intsikelelo yakho. (Phakamisani.)"