Evening Prayer

¹Leihlo la ka le fokodišitšwe ke mohlako, Le tšofetše ka baka la bohle bao ba bontšhago gore ba ntlhoile."

²Tlogang go nna lena bohle bao ba tlwaetšego go dira tšeo di gobatšago, Ka gobane Jehofa o tla kwa mokgoši wa sello sa ka."

³Jehofa o tla kwa ge ke kgopela kgaugelo; Jehofa yena o tla amogela thapelo ya ka."

⁴Manaba a ka ka moka a tla hlabja ke dihlong kudu le go ferekana; A tla boela morago, a hlabja ke dihlong ka yona nako yeo."

⁵Koša ya sello ya Dafida yeo a e opeletšego Jehofa mabapi le mantšu a Kushe wa Mobenjamini. Wena Jehofa Modimo wa ka, ke tšhabetše go wena. Mphološe go bohle bao ba ntlhomarago gomme o ntlhakodiše,"

⁶Gore go se be le yoo a rathaganyago moya wa ka go etša tau, A nkubula ge go se mohlakodiši."

⁷Wena Jehofa Modimo wa ka, ge e ba ke dirile se, Ge e ba go na le go hloka toka le ge e le gofe ka diatleng tša ka,"

⁸Ge e ba ke lefeleditše ka bobe yo a ntirilego tše botse, Goba ge e ba ke senyeditše le ge e le mang yo a bontšhago gore o ntlhoile eupša a sa atlege,"