Steadfast Love

¹Kumongameli. Eyomkhonzi kaYehova. EkaDavide. Ongendawo unezihlabo zokreqo entliziyweni yakhe ngaphakathi, ezithi, Akukho koyika Thixo emehlweni akhe,"

²Ngokuba zithetha kuye ngokugudileyo emehlweni akhe, Zide zimfumanise ubugwenxa bakhe, zimthiye."

³Amazwi omlomo wakhe abubutshinga nenkohliso; Uyekile ukwenza ngokuqiqa nangokulungisa."

⁴Ucinga ubutshinga elukhukweni lwakhe; Uzimisa endleleni engalungileyo; Akabucekisi ububi."

⁵Yehova, inceba yakho ifikelela ezulwini, Ukuthembeka kwakho esibhakabhakeni."

⁶Ubulungisa bakho bunjengeentaba zikaThixo; Izigwebo zakho zingamanzi enzonzobila; Usindisa umntu neenkomo, Yehova."

⁷Hayi, ixabiso lenceba yakho, Thixo! Oonyana babantu bazimela ngethunzi lamaphiko akho."

⁸Bayahluthiswa kukutyeba kwendlu yakho; Ubaseza emlanjeni weziyolo zakho."

⁹Ngokuba likuwe ithende lobomi; Ekukhanyeni kwakho sibona ukukhanya."

¹⁰Bolulele inceba yakho abakwaziyo, Ubolulele ubulungisa bakho abantliziyo zithe tye."

¹¹Malungandinyatheli unyawo lonekratshi. Singandiphekuzi isandla sabangendawo."

¹²Nabo bewile abasebenzi bobutshinga; Batyhalwe bawa, ababa nakuvuka."