Taste and See

¹EkaDavide; oko wazenza ophambene ingqondo phambi koAbhimeleki, waza yena wamgxotha, wahamba. Ndiya kumbonga uYehova ngamaxesha onke, Ihlale isemlonyeni wam indumiso yakhe."

²Uya kuqhayisa umphefumlo wam ngoYehova; Bova abalulamileyo, bavuye."

³Menzeni mkhulu kunye nam uYehova, Siliphakamise kunye igama lakhe."

⁴Ndamfuna uYehova, wandiphendula; Wandihlangula kwiinto zonke endinxunguphala zizo."

⁵Babheka kuye, bakhazimla; Ubuso babo ababa nazintloni."

⁶Usizana lwadanduluka, weva uYehova, Walusindisa ezimbandezelweni zalo zonke."

⁷Isithunywa sikaYehova sibangqinga ngeenxa zonke abamoyikayo, Sibahlangule."

⁸Yivani, nibone ukuba ulungile uYehova. Hayi, uyolo lomfo ozimela ngaye!"

⁹Moyikeni uYehova, nina bangcwele bakhe, Ngokuba abanakuswela abamoyikayo."

¹⁰Iingonyama ezintsha ziyaswela, zilambe; Ke bona abamfunayo uYehova abasweli nanye into elungileyo."

¹¹Yizani, bonyana, phulaphulani kum; Ndonifundisa ukoyika uYehova."

¹²Ngubani na umntu obungxameleyo ubomi, Othanda imihla yokubona okulungileyo?"

¹³Gcina ulwimi lwakho ebubini, Umlomo wakho ungathethi nkohliso."

¹⁴Suka ebubini, wenze okulungileyo; Funa uxolo, uluphuthume."

¹⁵Amehlo kaYehova akumalungisa, Iindlebe zakhe zisekuzibikeni kwawo."

¹⁶Ubuso bukaYehova bujonge abenzi bokubi, Ukuba akunqumle ehlabathini ukukhunjulwa kwabo."

¹⁷Akhala, weva uYehova; Wawahlangula ezimbandezelweni zawo zonke."

¹⁸Usondele uYehova kwabantliziyo zaphukileyo, Abasindise abamoya utyumkileyo."

¹⁹Buninzi ububi obulihlelayo ilungisa, Ke uYehova ulihlangula kubo bonke."

²⁰Uyawagcina onke amathambo alo, Akwaphuki nalinye kuwo."

²¹Ububi buyambulala ongendawo; Abathiyi belungisa bayalithwala ityala."

²²UYehova uyawukhulula umphefumlo wabakhonzi bakhe, Bangathwali tyala bonke abazimela ngaye."