The Word of the LORD

¹Memelelani kuYehova, nina malungisa; Ibafanele abathe tye indumiso."

²Bulelani kuYehova ngohadi, Mbetheleni umrhubhe ontambo zilishumi."

³Mvumeleni ingoma entsha, Nilungise ukubetha ngelokuduma;"

⁴Nokuba lithe tye ilizwi likaYehova, Konke akwenzayo kuthembekile."

⁵Ngumthandi wobulungisa nokusesikweni, Lizele ihlabathi yinceba kaYehova."

⁶Lenzeka ngelizwi likaYehova izulu, Umkhosi walo lonke ngomoya womlomo wakhe."

⁷Ulobutha njengemfumba amanzi olwandle, Ulobeka koovimba amanzi enzonzobila."

⁸Malimoyike uYehova lonke ihlabathi, Bamhlonele bonke abemi belimiweyo;"

⁹Ngokuba wathetha, kwabakho; Wawisa umthetho yena, kwema."

¹⁰UYehova ulitshitshisile icebo leentlanga; Uzalele iingcinga zezizwe."

¹¹Icebo likaYehova limi ngonaphakade, Iingcinga zentliziyo yakhe kwizizukulwana ngezizukulwana."

¹²Hayi, uyolo lohlanga oluThixo walo unguYehova; Lwabantu abanyulileyo, baba lilifa kuye."

¹³Uqondele esemazulwini uYehova; Uyababona bonke oonyana babantu;"

¹⁴Esendaweni yakhe yokuhlala, wondele Kubemi bonke behlabathi:"

¹⁵Ulobumba ngakunye intliziyo yabo, Uloqonda zonke izenzo zabo."

¹⁶Akukho kumkani osindiswa yimpi enkulu; Igorha alihlangulwa ngamandla alo amakhulu."

¹⁷Liyaxoka ihashe ukuba lingasindisa, Nangamandla alo amakhulu alinakusiza."

¹⁸Yabona, iliso likaYehova likubo abamoyikayo, Abalindele inceba yakhe,"

¹⁹Ukuba awuhlangule ekufeni umphefumlo wabo, Abagcine ngexesha lendlala."

²⁰Umphefumlo wethu ulindele kuYehova; Nguye uncedo lwethu, nengweletshetshe yethu."

²¹Ngokuba iya kuvuya ngaye intliziyo yethu, Sikholosile nje ngegama lakhe elingcwele."

²²Inceba yakho mayibe phezu kwethu, Yehova, Njengoko sikulindeleyo kuwe."