The LORD My Light

¹Lentšu la Jehofa ke le matla; Lentšu la Jehofa ke la letago."

²Lentšu la Jehofa le roba dihlare tša metsedara; Ee, Jehofa o ripaganya metsedara ya Libanoni,"

³O e tshelatshediša go etša namane, Libanoni le Sirione a dira gore di tshelatshele go etša dinamane tša dipoo tša naga."

⁴Lentšu la Jehofa le ntšha dikgabo tša mollo;"

⁵Lentšu la Jehofa ka bolona le dira gore lešoka le menekane, Jehofa o dira gore lešoka la Kadeshe le menekane."

⁶Lentšu la Jehofa ka bolona le dira gore dikgama tša ditshadi di menekantšhwe ke go kwa bohloko bja go tswala E bile le hlobodiša dithokgwa. Ka tempeleng ya gagwe yo mongwe le yo mongwe o re: “Letago!”"

⁷Jehofa o dutše godimo ga lefula; Jehofa o dutše sedulong e le kgoši go iša mehleng ya neng le neng."

⁸Jehofa o tla matlafatša batho ba gagwe. Jehofa o tla šegofatša batho ba gagwe ka khutšo."

⁹Ke tla go phagamiša, wena Jehofa, gobane o ntlhakodišitše Gomme ga se wa dumelela manaba a ka a thaba ka nna."

¹⁰Wena Jehofa Modimo wa ka, ke ile ka llela gore o nthuše, gomme wa nkalafa."

¹¹Wena Jehofa, o ntšhitše moya wa ka gona kua Bodulabahu; O dirile gore ke dule ke phela, gore ke se theogele moleteng."

¹²Opelelang Jehofa, lena bao le mmotegelago, Lebogang leina la gagwe le lekgethwa;"

¹³Gobane go galefelwa ke yena ke ga nakwana, Go kgahliša yena ke ga bophelo ka moka. Mantšiboa go ka lliwa, eupša mesong go goelelwa ka lethabo."

¹⁴Ge e le nna ke boletše ke le boiketlong gore: “Le ka mohla nka se šišinywe.”"