Show Me Thy Ways

¹EkaDavide. Ndiwuphakamisela kuwe, Yehova, umphefumlo wam."

²Thixo wam, ndikholose ngawe, Mandingadani; Mazingandivuyeleli iintshaba zam."

³Ewe, bonke abo bakuthembayo abayi kudana; Kuya kudana abo banginiza ngelize."

⁴Ndazise iindlela zakho, Yehova, Ndifundise umendo wakho."

⁵Ndinyathelise enyanisweni yakho, undifundise; Ngokuba unguThixo ongumsindisi wam; Ndithembe wena yonke imihla."

⁶Khumbula iimfesane zakho, Yehova, neenceba zakho; Ngokuba kususela kwaphakade zikho."

⁷Musa ukuzikhumbula izono zobutsha bam, nokreqo lwam; Ndikhumbule ngokwenceba yakho wena, Ngenxa yokulunga kwakho, Yehova."

⁸Ulungile, uthe tye uYehova; Ngenxa yoko uyabayalela indlela aboni."

⁹Uyabanyathelisa abalulamileyo emasikweni akhe, Abafundise abalulamileyo indlela yakhe."

¹⁰Zonke iindlela zikaYehova ziyinceba nenyaniso, Kwabagcina umnqophiso wakhe nezingqino zakhe."

¹¹Ngenxa yegama lakho, Yehova, xolela ubugwenxa bam, Ngokuba bukhulu bona."

¹²Ngubani na ke umntu omoyikayo uYehova? Womyalela indlela aya kuyinyula."

¹³Umphefumlo wakhe wohlala wonwabile, Imbewu yakhe ilidle ilifa ilizwe."

¹⁴Ukucweya kukaYehova kunabamoyikayo; Ubazisa umnqophiso wakhe."

¹⁵Amehlo am ahlala emi kuYehova, Ngokuba nguye ozirholayo eluthanjeni iinyawo zam."

¹⁶Ndibheke, undibabale, Ngokuba ndindodwa, ndibandezelekile."

¹⁷Iimbandezelo zentliziyo yam ziphangalalisiwe; Ndikhuphe ekucuthekeni kwam."

¹⁸Khangela ukucinezeleka kwam nokwaphuka kwam, Uxolele zonke izono zam."

¹⁹Zikhangele iintshaba zam, ngokuba zininzi; Zindithiye ngentiyo egonyamelayo."

²⁰Wugcine umphefumlo wam, undihlangule; Mandingadani, ngokuba ndizimela ngawe."

²¹Ukugqibelela nokuthi tye makundilondoloze, Ngokuba ndithembele kuwe."

²²Khulula uSirayeli, Thixo, Ezimbandezelweni zakhe zonke."