Show Me Thy Ways

¹Ke hloile phuthego ya badirabobe, E bile ga ke dule le ba kgopo."

²Ke tla hlapa diatla tša ka go bontšha gore ke hloka molato, Le gona ke tla itshepelela go dikologa aletare ya gago, hle Jehofa,"

³Ka kwatša ditebogo ka go hlaboša, Le go bolela ka mediro ya gago ka moka e makatšago."

⁴Jehofa, ke ratile ntlo yeo o dulago go yona Le lefelo leo go dulago letago la gago."

⁵O se nkamoge moya wa ka gotee le badiradibe, Goba wa nkamoga bophelo bja ka gotee le batho ba nago le molato wa madi,"

⁶Bao diatla tša bona di dirago tša boitshwaro bjo bo hlephilego, Le bao seatla sa bona sa le letona se tletšego tša letsogo-le-kobong."

⁷Ge e le nna, ke tla sepela ka potego ya ka. Hle ntopolle o be o nkgaugele."

⁸Lenao la ka le tla ema molaleng; Ke tla reta Jehofa gare ga mašaba a phuthegilego."

⁹Jehofa ke seetša sa ka le mophološi wa ka. Ke tla boifa mang? Jehofa ke sebo sa bophelo bja ka. Ke tla tšhoga mang?"

¹⁰Ge badirabobe ba be ba mpatamela e le gore ba je nama ya ka ba e fetše, Ka ge bona e le baganetši ba ka le manaba a ka, Bona ba ile ba kgopša ba wa."

¹¹Le ge madira a ka ntlhomela ditente, Pelo ya ka e ka se boife. Le ge nka tsogelwa ke ntwa, Le gona moo ke tla mmota."

¹²Ke selo setee seo ke se kgopetšego go Jehofa Ke sona seo ke tlago go se nyaka, Ke gore ke dule ka ntlong ya Jehofa matšatši ohle a bophelo bja ka, Gore ke bone botse bja Jehofa Le gore ke kgahlwe ke go lebelela tempele ya gagwe."

¹³Gobane o tla nkhutiša ka segoleng sa gagwe mohlang wa tlalelo; O tla nkuta moo go utegilego tenteng ya gagwe; O tla mpea godimo leswikeng."

¹⁴Bjale hlogo ya ka e tla ba ka godimo ga manaba a ka ohle ao a ntikologilego; Ke tla direla dihlabelo tša go hlalala tenteng ya gagwe; Ke tla opelela Jehofa gomme ka mo hlabelela koša."

¹⁵Anke o nkwe, hle Jehofa, ge ke bitša ka lentšu la ka, O nkgaugele o be o nkarabe."

¹⁶Pelo ya ka e boletše taelo ya gago ya gore: “Nyakang go hwetša sefahlego sa ka.” Ke tla nyaka go hwetša sefahlego sa gago, wena Jehofa."

¹⁷O se nkutele sefahlego sa gago. O se rake mohlanka wa gago o galefile. Eba mothuši wa ka. O se ntahle le ge e le go ntlogela, hle Modimo wa ka yo a mphološago."

¹⁸Le ge tate le mma ba ka ntlogela, Jehofa yena o tla nkamogela."

¹⁹Nthute tsela ya gago, hle Jehofa, O ntlhahle mmileng wa go loka ka baka la manaba a ka."

²⁰O se nkgafele go seo se kganyogwago ke baganetši ba ka; Ka gobane dihlatse tša maaka di ntsogetše matla, Ke tsogetšwe le ke yoo a bolelago ka bogale."

²¹Ge nkabe ke ile ka se be le tumelo ya go bona botho bja Jehofa nageng ya bao ba phelago, nkabe ke se na kholofelo."

²²Holofela Jehofa; eba le sebete gomme o bete pelo. Ee, holofela Jehofa."