My God, Why Hast Thou Forsaken Me?

¹Magomo ka moka a lefase a tla gopola Jehofa gomme a sokologela go yena. Malapa ka moka a ditšhaba a tla khunama pele ga gago."

²Gobane bogoši ke bja Jehofa, Gomme o buša ditšhaba."

³Bahumi bohle ba lefaseng ba tla ja gomme ba khunama; Bohle bao ba theogelago leroleng ba tla khunama pele ga gagwe, Ga go le o tee yoo le ka mohla a ka phološago moya wa gagwe."

⁴Le bana ba tla mo hlankela; Go tla bolelwa ka Jehofa molokong o tlago."

⁵Ba tla tla gomme ba bolela ka toko ya gagwe Bathong bao ba tlago go belegwa, ba bolela gore o dirile se."

⁶Jehofa ke Modiši wa ka. Nka se hloke selo."

⁷O nkhutamiša mafulong a matala; O nkiša mafelong a boikhutšo a nago le meetse a mantši."

⁸O lapološa moya wa ka. O ntlhahla ditseleng tša toko ka baka la leina la gagwe."

⁹Gaešita le ge ke sepela moeding wa kgampi ya leswiswi, Ga ke boife selo se sebe, Gobane wena o na le nna; Molamo wa gago le lehlotlo la gago ke dilo tšeo di nkhomotšago."

¹⁰O mpeela dijo tafoleng pele ga bao ba bontšhago gore ba ntlhoile. O ntloditše hlogo ka makhura; Senwelo sa ka se tletše wa go falala."

¹¹Ruri go loka le botho di tla ntatela mehla yohle ya bophelo bja ka; Ke tla fetša bontši bja matšatši ke dutše ntlong ya Jehofa."

¹²Lefase ke la Jehofa le tšeo di tletšego go lona, Naga le bao ba dulago go yona."

¹³O le tiišitše godimo ga mawatle, Wa le thea wa le tiiša godimo ga dinoka."

¹⁴Ke mang a ka rotogelago thabeng ya Jehofa, Le gona ke mang a ka emago lefelong la gagwe le lekgethwa?"

¹⁵Ke yo diatla tša gagwe di hlokago molato le yo a hlwekilego pelong, Yo a sa tšeego moya Wa ka e le wo o hlokago mohola, Goba a ena ka bofora."

¹⁶O tla tloga le tšhegofatšo e tšwago go Jehofa Le toko e tšwago go Modimo yo a mo phološago."

¹⁷Wo ke moloko wa bao ba mo tsomago, Wa bao ba nyakago sefahlego sa gago, wena Modimo wa Jakobo."

¹⁸“Emišang dihlogo, lena dikgoro, Iphagamišeng lena mejako ya neng le neng, Gore go tsene Kgoši ya letago!”"

¹⁹“Bjale ke mang Kgoši ye ya letago?” “Ke Jehofa wa senatla le yo matla, Jehofa wa mogale ntweng.”"

²⁰“Emišang dihlogo, lena dikgoro; Ee, di emišeng, lena mejako ya neng le neng, Gore go tsene Kgoši ya letago!”"

²¹“Bjale ke mang Kgoši ye ya letago?” “Jehofa wa madira ke yena Kgoši ya letago.”"

²²Ke emišetša moya wa ka go wena Jehofa."

²³Wena Modimo wa ka, ke botile wena; Anke ke se hlabje ke dihlong. Anke manaba a ka a se hlalale ge ke le mathateng."

²⁴Le gona, ga go le o tee yo a go holofetšego yo a tlago go hlabja ke dihlong. Dihlong di tla hlaba bao ba dirago tša boradia eupša ba sa atlege."

²⁵Ntsebiše ditsela tša gago hle Jehofa; Nthute ditsela tša gago."

²⁶Ntshepediše therešong ya gago gomme o nthute, Gobane o Modimo yo a mphološago. Ke holofetše wena letšatši ka moka."

²⁷Gopola dikgaugelo tša gago le botho bja gago, hle Jehofa, Gobane ke tša go tloga mehleng ya neng le neng."

²⁸Hle o se gopole dibe tša bofseng bja ka le melato ya ka. Nkgopole go ya ka botho bja gago, Ka baka la go loka ga gago, hle Jehofa."

²⁹Jehofa ke yo botho e bile o lokile. Ke ka baka leo a hlahlago badiradibe tseleng ya gagwe."

³⁰O tla sepediša ba boleta ka dikahlolo tša gagwe, E bile o tla ruta ba boleta tsela ya gagwe."

³¹Ditsela tšohle tša Jehofa ke botho le therešo Go bao ba bolokago kgwerano ya gagwe le go latela dikgopotšo tša gagwe."