Joy in Salvation

¹Kumongameli. Umhobe kaDavide. Yehova, uvuyile ngamandla akho ukumkani, Asikuko nokuba uyagcoba ngosindiso lwakho!"

²Umnike umnqweno wentliziyo yakhe Akwasilandula isicelo somlomo wakhe. (Phakamisani.)"

³Ngokuba umkhawulela ngeentsikelelo zokulungileyo, Umthwesa isithsaba segolide engcwengekileyo."

⁴Wacela ubomi kuwe, wampha, Wamnika imihla emide ngonaphakade kanaphakade."

⁵Lukhulu uzuko lwakhe ngosindiso lwakho; Ubeka phezu kwakhe indili nobungangamela."

⁶Ngokuba umenze waba yintsikelelo ngonaphakade, Umvuyisa ngovuyo ebusweni bakho."

⁷Ngokuba ukumkani ukholose ngoYehova, Ngenceba yOsenyangweni akayi kushukunyiswa."

⁸Isandla sakho siya kuzifumana zonke iintshaba zakho, Esokunene sakho siya kubafumana abakuthiyayo."

⁹Uya kubenza babe njengeziko lomlilo, wakubonakala. UYehova uya kubaginya ngomsindo wakhe, Nomlilo ubadle."

¹⁰Uya kusitshabalalisa isiqhamo sabo emhlabeni, Imbewu yabo koonyana babantu."

¹¹Ngokuba bakuthobela ububi, Bacinga iyelenqe; abayi kufeza nto."

¹²Ngokuba uya kubenza bakunikele umhlana; Ngesaphetha sakho uya kuxuna iintolo zakho ebusweni babo."

¹³Phakama, Yehova, ngamandla akho; Siya kuvuma sibethe uhadi ngobugorha bakho."