Prayer for the King

¹Ba go lletše gomme ba phologa; Ba be ba go botile gomme ba se hlabje ke dihlong."

²Eupša ke seboko, ga ke motho, Ke segoboga bathong le yo a nyatšegago setšhabeng."

³Ge e le bohle bao ba mponago, ba a nkwera; Ba ahlamiša melomo ya bona, ba šišinya dihlogo tša bona ba re:"

⁴“O ikgafetše Jehofa. Anke A mo phološe! Anke a mo hlakodiše ka ge a mo kgahla!”"

⁵Gobane ke Wena o nntšhitšego ka mpeng, Ke Wena o bego o dira gore ke iketle ge ke le matsweleng a mma."

⁶Ke lahletšwe go wena go tšwa ka popelong; O bile Modimo wa ka go tloga ge ke le ka mpeng ya mma."

⁷O se dule kgole le nna ka gobane tlalelo e kgauswi, Ka gobane ga go na mothuši yo mongwe."

⁸Dipowana tše dintši di ntikologile; Dipowana tše matla tša Bashani tšona di ntikaneditše."

⁹Di nkahlamišeditše melomo, Go etša tau e rathaganyago le e rorago."