The Reign of the Anointed

¹Yini na ukuba iintlanga zenze imbuthumbuthu, Izizwe zicamange into engeyakonto?"

²Ookumkani behlabathi bazimisile, Izidwangube zabhunga NgoYehova nangoMthanjiswa wakhe;"

³Besithi, Masiziqhawule iimbophelelo zabo, Sizilahle izintya zabo kuthi."

⁴Ohleli emazulwini uyahleka, INkosi iyabagculela."

⁵Iya kwandula ithethe kubo ngomsindo wayo, Ibakhwankqise ngokuvutha kwayo."

⁶Ithi, Mna ke ndimmisile ukumkani wam Phezu kweZiyon, intaba yam engcwele."

⁷Athi yena, Ndiya kuwuvakalisa ummiselo: UYehova uthe kum, UnguNyana wam wena; Mna namhla ndikuzele."

⁸Cela kum, ndikunike iintlanga zibe lilifa lakho, Iziphelo zehlabathi zibe zezakho."

⁹Uya kuzivikiva ngentonga yentsimbi, Uzihlekeze, zinge zizitya zodongwe."

¹⁰Ngoko ke, nina bokumkani, qiqani; Bagwebi basehlabathini, yalekani."

¹¹Mkhonzeni uYehova nisoyika, Gcobani nithuthumela."

¹²Mangeni uNyana, hleze aqumbe, nitshabalale endleleni, Ngokuba ungahle uvuthe umsindo wakhe. Hayi, uyolo lwabo bonke abazimela ngaye!"