The Reign of the Anointed

¹O tla thabiša pelo ya ka Go feta nakong ya ge mabele a bona le beine ya bona e mpsha di atile."

²Ke tla sekama ka ba ka robala ka khutšo, Gobane wena Jehofa, ke wena o nnoši o dirago gore ke dule ka polokego."

³Go moopediši: Diriša Nehilothe. Koša ya Dafida. Sekegela dipolelo tša ka tsebe, hle Jehofa; Kwešiša go fegelwa ga ka."

⁴Theetša mokgoši wa sello sa ka sa go llela thušo, Wena Kgoši ya ka le Modimo wa ka, gobane ke wena ke go rapelago."

⁵Wena Jehofa, mesong o tla kwa lentšu la ka; Mesong ke tla bolela le wena gomme ka leta."

⁶Gobane ga o Modimo yo a kgahlwago ke bokgopo; Ga go le o tee yo mobe yo a ka dulago le wena le ge e le ka lebakanyana."

⁷Ga go na baikgantšhi bao ba ka emago pele ga mahlo a gago. O hloile bohle bao ba tlwaetšego go dira tše di gobatšago;"

⁸O tla fediša bao ba bolelago maaka. Jehofa o hloile motho yo a tšhollago madi le yo a dirago tša bofora."

⁹Ge e le nna, ka baka la boati bja botho bja gago Ke tla tsena ka ntlong ya gago, Ke tla khunama ke lebane le tempele ya gago e kgethwa ke go boifa."

¹⁰Hle Jehofa, ntlhahle ditseleng tša gago tša go loka ka baka la manaba a ka; Nthuše go sepela tseleng ya gago go se na mapheko."

¹¹Gobane melomong ya bona ga go seo se ka botwago; Menagano ya bona e tletše bokgopo. Mogolo wa bona ke lebitla le le ahlamego; Ba diriša leleme le boreledi."

¹²Modimo o tla ba bona molato; Ba tla wišwa ke merero ya bona. A ba tšitlanywe ke bontši bja dikarogo tša bona, Ka gobane ba rabetše go wena."