Heavens Declare God's Glory

¹E kgopetše bophelo bjo botelele. O e neile bjona, Wa e atišetša matšatši go iša mehleng ya neng le neng, gaešita le ka mo go sa felego."

²Letago la yona ke le legolo ka baka la phološo e tšwago go wena. O e apeša seriti le letago."

³Gobane o e tšea e le yeo e šegofaditšwego kudu ka mo go sa felego; O dira gore e ikwe e thabišitšwe ke lethabo leo le lego sefahlegong sa gago."

⁴Gobane kgoši e bota Jehofa, E bota le botho bja Yo Godimodimo. E ka se šišinywe."

⁵Seatla sa gago se tla hwetša manaba a gago ka moka; Seatla sa gago se setona sona se tla hwetša bao ba go hloilego."

⁶Nakong e beilwego ya ge o iponagatša, o tla ba tšea ba le bjalo ka ge eka ba lahletšwe sebešong sa mollo. Jehofa o tla ba metša ka bogale bja gagwe gomme mollo o tla ba ja."

⁷Bana ba bona o tla ba fediša mo lefaseng, Ditlogolo tša bona wa di fediša baneng ba batho."

⁸Gobane ba go dirile tše mpe; Ba naganne dikgopolo tšeo ba sa kgonego go di phetha."

⁹O tla dira gore ba furalele ba tšhabe Ka baka la manti a gago a bora ao o ba korotšego difahlegong ka ona."

¹⁰Anke o phagame ka matla a gago, hle Jehofa. Re tla opela ra ba ra gobelela matla a gago."

¹¹Modimo wa ka, Modimo wa ka, o ntlogeletše’ng? Go re’ng o le kgole le go mphološa, O le kgole le mantšu a ka a ge ke golola?"

¹²Modimo wa ka, ke hlwa ke go bitša mosegare gomme ga o arabe; Le bošego ke a go bitša, ga ke homole."

¹³Eupša o yo mokgethwa, O dula gare ga ditumišo tša Isiraele."

¹⁴Botatago rena ba be ba go botile; Ba be ba go botile gomme o be o dula o ba hlakodiša."