The LORD My Portion

¹Eyona iligugu likaDavide. Ndigcine, Thixo, ngokuba ndizimela ngawe."

²Ndithe kuYehova, UyiNkosi yam, Andinanto indilungeleyo ngaphezu kwakho."

³Ndithe kwabangcwele abasehlabathini, Bona bazizinhanha apho, kukhona konke endikunanzileyo."

⁴Ziya kwanda iimbulaleko zabo bamananisa ngathixo wumbi uYehova. Andiyi kuyithulula iminikelo yabo ethululwayo yegazi; Andiyi kuwaphatha amagama abo ngomlomo wam."

⁵NguYehova isahlulo endasabelwayo, nendebe endayabelwayo; Ulenze banzi ilifa lam."

⁶Amacandelo andiwele ezindaweni ezimnandi; Hee! Ndide ndaba nelifa elihle."

⁷Ndiya kumbonga uYehova ondinike icebo; Nasebusuku ziyandithethisa izintso zam."

⁸Ndimmisile uYehova phambi kwam amaxesha onke; Ngokuba esekunene kum nje, andiyi kushukunyiswa."

⁹Ngako oko iyavuya intliziyo yam, luyagcoba uzuko lwam: Nenyama yam iya kuhlala ikholosile."

¹⁰Ngokuba akuyi kuwushiya umphefumlo wam kwelabafileyo; Akuyi kumyekela owakho wenceba ukuba abonane nesihogo."

¹¹Uya kundazisa umendo wobomi; Ebusweni bakho yinzaliseko yemivuyo; Ekunene kwakho yimihlali ngonaphakade."