Praise Ye Him All His Hosts

¹Haleluya! Dumisani uYehova emazulwini; Mdumiseni ezindaweni eziphezulu."

²Mdumiseni, nonke zithunywa zakhe; Mdumiseni, nonke mikhosi yakhe;"

³Mdumiseni, wena langa, nawe nyanga; Mdumiseni, nonke zinkwenkwezi zinokukhanya;"

⁴Mdumiseni, mazulu awo amazulu, Nani, manzi angaphezu kwezulu."

⁵Mazilidumise ezo nto igama likaYehova; Ngokuba wawisa umthetho, zadalwa."

⁶Wazimisa ngonaphakade kanaphakade, Wazimisela ummiselo ezingayi kuwugqitha."

⁷Dumisani uYehova ehlabathini, Nina bominenga, nani nonke, manzi enzonzobila:"

⁸Wena mlilo, nawe sichotho; wena khephu, nawe msi; Moya uvuthuzayo, ulenzayo ilizwi lakhe;"

⁹Nina zintaba, nani zinduli nonke, Nina mithi eneziqhamo, nani misedare nonke;"

¹⁰Nina marhamncwa, nani zinkomo nonke, Nina zinambuzane, nani zintaka zinamaphiko;"

¹¹Ookumkani behlabathi, nezizwe zonke, Abathetheli nabagwebi behlabathi lonke;"

¹²Umlisela kwanomthinjana, Amadoda amakhulu kunye nabafana:"

¹³Mabalidumise igama likaYehova, Ngokuba liyingxonde igama lakhe yena yedwa; Indili yakhe ingaphezu komhlaba nezulu."

¹⁴Wabaphakamisela abantu bakhe uphondo, Lwayindumiso kwabakhe benceba bonke, Koonyana bakaSirayeli, abantu abasondeleyo kuye. Haleluya!"