Praise Ye Him All His Hosts

¹Mo tumišeng ka moropa le ka go bina le dirile lešakana. Mo tumišeng ka diletšo tša metato le ka naka."

²Mo tumišeng ka disimbala tša melodi e mebose. Mo tumišeng ka go bethantšha disimbala."

³Anke se sengwe le se sengwe se se bušago moya se tumiše Jah. Tumišang Jah!"

⁴Diema tša Solomone morwa wa Dafida, kgoši ya Isiraele,"

⁵tša gore motho a hwetše bohlale le tayo, gore a kwešiše mantšu a temogo,"

⁶gore a hwetše tayo yeo e neago temogo, toko, toka le go botega,"

⁷gore di nee yo a se nago temogo bohlale gomme di nee mofsa tsebo le tlhaologanyo."

⁸Motho yo bohlale o tla theetša a hwetša thuto e ntši gomme yo a kwešišago o hwetša tlhahlo e bohlale,"

⁹gore ba kwešiše diema le dipolelo tše di makatšago, e lego mantšu a ba bohlale le dinyepo tša bona."

¹⁰Go boifa Jehofa ke mathomo a tsebo. Mašilo a nyaditše bohlale le tayo."

¹¹Morwa wa ka, theetša tayo ya tatago gomme o se ke wa lahla molao wa mmago."

¹²Ka gobane di etša kgare e botse hlogong ya gago le pheta e botse molaleng wa gago."

¹³Morwa wa ka, ge badiradibe ba leka go go goketša, o se ke wa dumela."

¹⁴Ge ba re: “A re ye, re yo lalela batho gore re tšholle madi. A re khukhunetšeng batho ba se nago molato, re se na lebaka."