He Healeth the Broken

¹Haleluya! Ngokuba kulungile ukuvuma ngoThixo wethu; Ngokuba kumnandi, ifanelekile indumiso."

²Umakhi weYerusalem nguYehova; Abagxothwa bakwaSirayeli ubabuthela khona."

³Ulophilisa abaphuke intliziyo, Abophe amanxeba abo;"

⁴Ulobala inani leenkwenkwezi, Ezibiza zonke ngamagama."

⁵Inkulu iNkosi yethu, inamandla amakhulu; Ingqondo yayo ayiphele ndawo."

⁶Ulophakamisa abalulamileyo nguYehova, Uthobela abangendawo emhlabeni."

⁷Hlabelani kuYehova eyokubulela, Mbetheleni uhadi uThixo wethu."

⁸Ulosibekelisa izulu ngamafu, Ulolungisela umhlaba imvula; Ulontshulisa utyani ezintabeni;"

⁹Ulonika inkomo ukudla, Namathole ehlungulu alilayo."

¹⁰Akabunanze nganto ubugorha behashe, Akakholiswa zizitho zendoda;"

¹¹UYehova ukholiswa ngabamoyikayo, Abalinde inceba yakhe."

¹²Mncome uYehova, Yerusalem. Mdumise uThixo wakho, Ziyon:"

¹³Ngokuba eyomelezile imivalo yamasango akho, Ebasikelele abantwana bakho phakathi kwakho."

¹⁴Ngulomisa uxolo emideni yakho, Wakuhluthisa ngengqolowa etyebileyo."

¹⁵Ulothumela intetho yakhe ehlabathini, Ilizwi lakhe ligidima ngokukhawuleza;"

¹⁶Ulonika ikhephu njengoboya bezimvu, Ugcwayela iqabaka njengothuthu,"

¹⁷Ephosa umkhenkce wakhe njengamaqhekeza; Ngubani na onokuma phambi kwengqele yakhe?"

¹⁸Uthumela ilizwi lakhe, ezo nto azinyibilikise; Uvuthuzisa umoya wakhe, aqukuqele amanzi."

¹⁹Uloxelela uYakobi ilizwi lakhe, USirayeli imimiselo yakhe namasiko akhe."

²⁰Akenjanga ngalo kolunye uhlanga, Namasiko aluwazi. Haleluya!"