He Healeth the Broken

¹Tumišang Jehofa lena mo lefaseng, Lena diphedi tše dikgolokgolo tša ka lewatleng le lena madiba ka moka,"

²Lena mollo le sefako, kapoko le muši, Wena phefo e matla yeo e phethago lentšu la gagwe,"

³Lena dithaba le lena meboto ka moka, Lena dihlare tša dienywa le tša metsedara ka moka,"

⁴Lena dibata le lena diruiwa ka moka, Lena digagabi gotee le dinonyana,"

⁵Lena dikgoši tša lefase le lena ditšhaba ka moka, Lena dikgošana le lena baahlodi ka moka ba lefase,"

⁶Lena masogana le lena dikgarebe, Lena bakgalabje gotee le bašemane."

⁷Tumišang leina la Jehofa, Gobane leina la gagwe ke lona le nnoši leo le phagamego wa go se fihlelelege. Bogolo bja gagwe bo phagametše lefase le legodimo."

⁸O tla phagamiša lenaka la batho ba gagwe, A phagamiša tumišo ya bohle bao ba mmotegelago, A phagamiša le tumišo ya bana ba Isiraele, e lego batho bao ba mmatametšego kgauswi. Tumišang Jah!"

⁹Tumišang Jah! Opelelang Jehofa kopelo e mpsha, Mo opeleleng kopelo ya tumišo ka phuthegong ya bao ba botegago."

¹⁰Anke Isiraele e thabele Modiri wa yona yo Mogolo, Anke bana ba Tsione ba thabele Kgoši ya bona."

¹¹Anke ba tumiše leina la gagwe ka go bina. Anke ba mo opelele ka go letša moropa le harepa."

¹²Gobane Jehofa o kgahlwa ke batho ba gagwe. O botsefatša ba boleta ka go ba phološa."

¹³Anke bao ba botegago ba hlalale ba le letagong; Anke ba goelele ka lethabo ba le malaong a bona."

¹⁴Anke dikopelo tšeo di godišago Modimo di be megolong ya bona, Gomme tšhoša ya magale a mabedi e be ka seatleng sa bona,"

¹⁵E le gore ditšhaba di lefetšwe, Go kgalemelwe ditšhaba,"

¹⁶Dikgoši tša tšona di tlengwe ka diketane, Le gore bao ba tagafaditšwego ba tlengwe ka ditlemo tša tšhipi,"

¹⁷Gore di ahlolelwe ka dikahlolo tšeo di ngwadilwego. Letago le le bjalo ke la bohle bao ba mmotegelago. Tumišang Jah!"

¹⁸Tumišang Jah! Tumišang Modimo lefelong la gagwe le lekgethwa. Mo tumišeng sebakabakeng seo se bontšhago matla a gagwe."

¹⁹Mo tumišeng ka baka la mediro ya gagwe e matla. Mo tumišeng go ya ka boati bja bogolo bja gagwe."

²⁰Mo tumišeng ka go letša phalafala. Mo tumišeng ka kwadi le ka harepa."