I Will Extol Thee, My God

¹Eyokudumisa kaDavide. Ndiya kukuphakamisa, Thixo wam, wena Kumkani, Ndilibonge igama lakho ngonaphakade kanaphakade."

²Imihla yonke ndiya kukubonga, Ndilidumise igama lakho ngonaphakade kanaphakade."

³Mkhulu uYehova, ngowokudunyiswa kakhulu; Ubukhulu bakhe abunakugocwagocwa."

⁴Izizukulwana ngezizukulwana, kunconywa izenzo zakho, Kuxelwe ubugorha bakho."

⁵Bunobungangamela ubuqaqawuli bendili yakho; Ngeendawo zakho ezibalulekileyo ndiya kucamngca."

⁶Bothetha ngamandla ezenzo zakho ezoyikekayo, Ndibalise ngobukhulu bakho."

⁷Bompompoza isikhumbuzo sokulunga kwakho okukhulu, Bamemelele ngobulungisa bakho."

⁸Unobabalo nemfesane uYehova, Uzeka kade umsindo, mkhulu ngenceba."

⁹Ulungile uYehova kubo bonke, Imfesane yakhe ikuzo zonke izenzo zakhe."

¹⁰Ziyabulela kuwe, Yehova, zonke izenzo zakho, Bakubonge abakho benceba;"

¹¹Uzuko lobukumkani bakho balutsho, Bathethe ngobugorha bakho."

¹²Ukuba babazise oonyana babantu ubugorha bakhe, Ubuqaqawuli obuhle bobukumkani bakhe."

¹³Ubukumkani bakho bubukumkani bamaphakade onke, Nolawulo lwakho lukwizizukulwana ngezizukulwana."

¹⁴UYehova ungumxhasi wabo bonke abawayo, Ngumphakamisi wabo bonke abagobileyo."

¹⁵Amehlo eento zonke akhangele kuwe, Wena ke uzinika ukudla kwazo ngexesha elililo;"

¹⁶Uyasivula isandla sakho, Uzihluthise iinto zonke eziphilileyo ngeento ezikholekileyo."

¹⁷Ulilungisa uYehova ngeendlela zakhe zonke, Unenceba ngezenzo zakhe zonke."

¹⁸Usondele uYehova kubo bonke abamnqulayo, Kubo bonke abamnqulayo ngenyaniso."

¹⁹Uyayenza into ekholekileyo kwabamoyikayo, Akuve ukuzibika kwabo, abasindise."

²⁰UYehova ungumgcini wabo bonke abamthandayo, Abatshabalalise bonke abangendawo."

²¹Umlomo wam mawuthethe indumiso kaYehova, Inyama yonke ilibonge igama lakhe elingcwele ngonaphakade kanaphakade."