I Will Extol Thee, My God

¹Yena Modiri wa legodimo le lefase, Lewatle le tšohle tše di lego go tšona, Yoo a dulago a rereša go iša mehleng ya neng le neng,"

²Yo a ahlolelago bao ba radiilwego, Yo a neago bao ba swerwego ke tlala dijo. Jehofa o lokolla bao ba tlemilwego."

³Jehofa o budulla mahlo a difofu; Jehofa o emiša bao ba buraganego; Jehofa o rata baloki."

⁴Jehofa o babalela badiiledi; O imolla tšhiwana le mohlologadi, Eupša o kgopamiša tsela ya ba kgopo."

⁵Jehofa e tla ba kgoši go iša mehleng ya neng le neng, Wena Tsione, Modimo wa gago e tla ba kgoši go iša melokong le melokong. Tumišang Jah!"

⁶Tumišang Jah, Gobane ke mo gobotse go opelela Modimo wa rena; Gobane go a kgahliša—tumišo e a mo swanela."

⁷Jehofa o aga Jerusalema; O kgobokanya batho bao ba tšitlanego ba Isiraele."

⁸O alafa ba dipelo tše di kwelego bohloko, O tlema dintho tša bona tše bohloko."

⁹O bala palo ya dinaledi; Ka moka ga tšona o di bitša ka maina."

¹⁰Morena wa rena ke yo mogolo e bile ke yo matla kudu; Kwešišo ya gagwe ga e hlalosege."

¹¹Jehofa o imolla ba boleta; Ba kgopo o ba kokobeletša fase."

¹²Arabang Jehofa ka go mo opelela ditebogo; Opelelang Modimo wa rena ka harepa,"

¹³Yena Yo a apešitšego magodimo ka maru, Yena Yo a lokišetšago lefase pula, Yena Yo a dirago gore dithaba di hloge bjang bjo botala."

¹⁴O nea diphoofolo dijo tša tšona, O nea le magokobu a manyenyane ao a dulago a mo llela."

¹⁵Ga a kgahlwe ke matla a pere, Le gona ga a kgahlwe ke lebelo la maoto a monna."

¹⁶Jehofa o kgahlwa ke bao ba mmoifago, O kgahlwa ke bao ba letetšego botho bja gagwe."

¹⁷Reta Jehofa, wena Jerusalema. Tumiša Modimo wa gago, wena Tsione."

¹⁸Gobane yena o tiišitše mapheko a dikgoro tša gago; O šegofaditše bana ba gago ba lego mo go wena."

¹⁹O tliša khutšo seleteng sa gago; O dula a go khoriša ka korong e botsebotse."

²⁰O romela polelo ya gagwe lefaseng; Lentšu la gagwe le kitima ka lebelo."

²¹O neša kapoko ya ba bjalo ka boya bja nku; A gašanya šobane bjalo ka molora."