Blessed Be the LORD My Strength

¹Gore ba tsebiše bana ba batho ditiro tša gago tše matla Le letago le le phadimago la bogoši bja gago."

²Bogoši bja gago ke bogoši bja neng le neng, Pušo ya gago ke ya go iša melokong le melokong."

³Jehofa o thekga bohle bao ba wago, E bile o emiša bohle bao ba buraganego."

⁴Mahlo a tšohle tše di phelago a lebeletše go wena ka kholofelo, Gomme o di nea dijo tša tšona ka lebaka la gona."

⁵O bula seatla sa gago Wa kgotsofatša kganyogo ya sephedi se sengwe le se sengwe."

⁶Jehofa o lokile ditseleng tša gagwe ka moka E bile o a botega ditirong tša gagwe ka moka."

⁷Jehofa o kgauswi le bohle bao ba mmitšago, Gotee le bohle bao ba mmitšago ka go rereša."

⁸O tla kgotsofatša kganyogo ya bao ba mmoifago, O tla ba kwa ge ba mo llela gore a ba thuše, gomme o tla ba phološa."

⁹Jehofa o šireletša bohle bao ba mo ratago, Eupša bohle ba kgopo o tla ba fediša."

¹⁰Molomo wa ka o tla tumiša Jehofa; Anke nama ka moka e rete leina la gagwe le lekgethwa go iša mehleng ya neng le neng, gaešita le ka mo go sa felego."

¹¹Tumišang Jah! Tumiša Jehofa, wena moya wa ka."

¹²Ke tla tumiša Jehofa bophelong bja ka ka moka. Ke tla opelela Modimo wa ka ge ke sa dutše ke phela."

¹³Le se ke la bota bakgomana, Goba la bota ngwana wa motho wa lefaseng, ka ge a sa kgone go phološa."

¹⁴Moya wa gagwe o a tšwa, yena a boela mmung; Letšatšing leo menagano ya gagwe e a fela."

¹⁵Go thaba yo a thušwago ke Modimo wa Jakobo, Yo a holofetšego Jehofa Modimo wa gagwe,"