His Mercy Endureth For Ever

¹Dinokeng tša kua Babilona re be re dutše fase. Re bile re lla ge re gopola Tsione."

²Re ile ra fega diharepa tša rena Godimo ga dihlare tša yona tša mepopoliri."

³Gobane gona moo bao ba bego ba re thopile ba ile ba re kgopela gore re opele, Gomme bao ba bego ba thabela go re kwera ba be ba re: “Re opeleleng e nngwe ya dikopelo tša kua Tsione.”"

⁴Re ka opela bjang kopelo ya Jehofa Nageng e šele?"

⁵Ge nka go lebala wena Jerusalema, Gona anke seatla sa ka sa le letona se se kgone go dira selo."

⁶Anke leleme la ka le nkgomarele magalagapa, Ge e ba nka se go gopole, Ge e ba nka se phagamiše Jerusalema ya feta Lebaka la ka le legolo la go thaba."

⁷Hle Jehofa, gopola bana ba Edomo bao mohlang Jerusalema e bego e ewa Ba bego ba re: “E šwalalanye! E šwalalanye go šale motheo wa yona!”"

⁸Wena morwedi wa Babilona yo a tlago go senywa, Go tla thaba yoo a tlago go go bušetša Go ya ka tsela yeo o bego o re swere ka yona."

⁹Go tla thaba yo a ubulago bana ba gago Gomme a ba pšhatlaganya leswikeng le legolo."

¹⁰Ke tla go reta ka pelo ya ka ka moka. Ke tla go opelela pele ga medimo."

¹¹Ke tla khunama ke lebeletše tempeleng ya gago e kgethwa, Ke tla reta leina la gago Ka baka la botho bja gago le ka baka la go rereša ga gago. Gobane o godišitše polelo ya gago gore e phagamele leina la gago."

¹²O ile wa nkaraba mohlang ke be ke go bitša; O ile wa mpha sebete moyeng wa ka ka go nnea matla."

¹³Dikgoši ka moka tša lefase di tla go reta, wena Jehofa, Gobane di tla be di kwele dipolelo tša molomo wa gago."

¹⁴Di tla opela ka ditsela tša gago, wena Jehofa, Gobane letago la Jehofa ke le legolo."

¹⁵Gobane Jehofa o phagame, fela o bona yo a ikokobeditšego; Eupša yo a iphagamišago o mo tsebela kgole."

¹⁶Ge e ba nka sepela tlalelong, wena o tla dira gore ke dule ke phela. Wena o tla otlolla seatla sa gago ka baka la bogale bja manaba a ka, Gomme seatla sa gago sa le letona se tla mphološa."

¹⁷Jehofa yena o tla phetha tšohle tšeo a di rerilego ka nna. Wena Jehofa, botho bja gago ke bja go iša mehleng ya neng le neng. O se ke wa lahla mediro ya diatla tša gago."

¹⁸Wena Jehofa, o mphetlekile gomme o a ntseba."

¹⁹Wena o tseba ge ke dula fase le ge ke ema. O etše hloko dikgopolo tša ka di sa le kgole."

²⁰O ntšheditše ge ke tšea leeto le ge ke robetše, Ditsela tša ka ka moka o di tseba gabotse."

²¹Gobane le ge go se na lentšu lelemeng la ka, Wena Jehofa o šetše o tseba tšohle."

²²O nthakeletše ka pele le ka morago; O bea seatla sa gago godimo ga ka."

²³Ke kgahlwa kudu ke go tseba seo. Go tseneletše kudu moo e lego gore ga ke kgone go go kwešiša."

²⁴Nka ya kae kgole le moya wa gago? Nka tšhabela kae kgole le sefahlego sa gago?"

²⁵Ge e ba nka rotogela legodimong, o tla ba o le moo; Le ge nka ala bolao bja ka Bodulabahu, le gona moo o tla ba gona."

²⁶Le ge nka fofa ka maphego a masa, Gore ke yo dula kgolekgole lewatleng,"