Praise the Name of the LORD

¹Haleluya. Dumisani igama likaYehova; Dumisani, nina bakhonzi bakaYehova,"

²Nimiyo endlwini kaYehova, Ezintendelezweni zendlu yoThixo wethu."

³Dumisani uYehova, ngokuba elungile uYehova; Libetheleni uhadi igama lakhe, ngokuba kumnandi."

⁴Ngokuba uYehova unyule uYakobi ukuba abe ngowakhe, Wanyula uSirayeli ukuba abe yinqobo kuye."

⁵Ngokuba ndiyazi mna ukuba mkhulu uYehova, INkosi yethu ingaphezu koothixo bonke."

⁶Konke akuthandileyo uYehova uya kwenza, Ezulwini nasemhlabeni, Ezilwandle nasemanzini onke enzonzobila."

⁷Ulonyusa amafu eziphelweni zehlabathi, Imvula wayenzela imibane; Ulorhola umoya koovimba bakhe."

⁸Owawabulalayo amazibulo aseYiputa, Ethabathele ebantwini wesa ezinkomeni;"

⁹Wathumela imiqondiso nezimanga Phakathi kwakho, Yiputa, KuFaro nakubakhonzi bakhe bonke;"

¹⁰Owabulala iintlanga ezinkulu, Wabulala ookumkani abanamandla;"

¹¹OoSihon, ukumkani wama-Amori, No-Ogi, ukumkani waseBhashan, Nezikumkani zonke zakwaKanan;"

¹²Walinikela ilizwe labo lalilifa, Lalilifa kumaSirayeli, abantu bakhe,"

¹³Yehova, igama lakho lingunaphakade, Inkumbuzo yakho, Yehova, ikwizizukulwana ngezizukulwana."

¹⁴Ngokuba uYehova uya kugweba phakathi kwabantu bakhe, Azohlwaye ngenxa yabakhonzi bakhe."

¹⁵Izithixo zeentlanga yisilivere negolide, Umsebenzi wezandla zabantu."

¹⁶Zinomlomo nje, azithethi; Zinamehlo nje, aziboni;"

¹⁷Zineendlebe nje, aziva; Akukho nento engumoya emlonyeni wazo."

¹⁸Baya kuba njengazo abenzi bazo, Bonke abasukuba bekholose ngazo."

¹⁹Nina ndlu kaSirayeli, bongani uYehova; Nani ndlu ka-Aron, bongani uYehova."

²⁰Nina ndlu kaLevi, bongani uYehova; Nani boyika uYehova, bongani uYehova."

²¹Ngowokubongwa uYehova eZiyon, Ulohlala eYerusalem. Haleluya!"