Remember David

¹Tumišang Jah, gobane Jehofa o lokile. Opelelang leina la gagwe, gobane go a kgahliša."

²Gobane Jah o ikgethetše Jakobo, A ikgethela Isiraele gore e be thoto ya gagwe e kgethegilego."

³Gobane nna ke tseba gabotse gore Jehofa ke yo mogolo, Le gore Morena wa rena o feta medimo e mengwe ka moka."

⁴Se sengwe le se sengwe seo Jehofa a ratago go se dira, o se dira Magodimong le lefaseng, mawatleng le madibeng ka moka."

⁵O rotoša mouwane go tšwa pheletšong ya lefase; O diretše pula mekero; O ntšha phefo dintlong tša gagwe tša polokelo,"

⁶Yena yo a bolailego maitšibulo a Egipita, A batho le a diphoofolo."

⁷O go rometše dipontšho le mehlolo, wena Egipita, A di romela Farao le bahlanka ba gagwe ka moka;"

⁸Ke yena a bolailego ditšhaba tše dintši A ba a bolaya le dikgoši tše matla,"

⁹A bolaya le Sihoni kgoši ya Baamore Le Ogo kgoši ya Bashani, A fediša mebušo ka moka ya Kanana,"

¹⁰A tšea naga ya bona a e nea batho ba gagwe gore e be bohwa bja bona, E be bohwa bja batho ba gagwe ba Isiraele."

¹¹Wena Jehofa, leina la gago ke la go iša mehleng ya neng le neng. Wena Jehofa, o tla gopolwa go iša melokong le melokong."

¹²Jehofa o tla emelela batho ba gagwe, O tla kwela bahlanka ba gagwe bohloko."

¹³Medingwana ya ditšhaba e dirilwe ka silifera le gauta, Ke modiro wa diatla tša motho wa lefaseng."

¹⁴E na le molomo, eupša ga e kgone go bolela; E na le mahlo, eupša ga e kgone go bona;"

¹⁵E na le ditsebe, eupša ga e kgone go kwa. Le gona ga go na mohemo melomong ya yona."

¹⁶Bao ba e dirago ba tla swana le yona, Bohle bao ba e botilego."

¹⁷Lena ba ntlo ya Isiraele, retang Jehofa. Lena ba ntlo ya Arone, retang Jehofa."

¹⁸Lena ba ntlo ya Lefi, retang Jehofa. Lena ba le boifago Jehofa, retang Jehofa."