The Word of God

¹Hayi, uyolo lwabandlela igqibeleleyo, Bona bahambayo ngomyalelo kaYehova!"

²Hayi, uyolo lwababambe izingqiniso zakhe, Abamquqelayo ngentliziyo epheleleyo!"

³Abasebenzi nokusebenza bugqwetha, Bayahamba ngeendlela zakhe."

⁴Uzimisile iziyalezo zakho, Ukuba zigcinwe kunene."

⁵Azaba iindlela zam bezibhekiselwe Ukugcina imimiselo yakho!"

⁶Bendingayi kudana ke Ekubhekeni kwam kwimithetho yakho yonke."

⁷Ndiya kubulela kuwe ngentliziyo ethe tye, Ekuzifundeni kwam izigwebo zobulungisa bakho."

⁸Ndiya kuyigcina imimiselo yakho, Musa ukundishiya kuphele."

⁹Umfana uya kuwuqaqambisa ngantoni na umendo wakhe? Ngokuzigcina ngokwelizwi lakho."

¹⁰Ndiya kuquqela kuwe ngentliziyo yam yonke; Musa ukundilahlekanisa nemithetho yakho."

¹¹Ndiyibeke intetho yakho entliziyweni yam, Ukuze ndingoni kuwe."

¹²Ungowokubongwa, Yehova; Ndifundise imimiselo yakho."

¹³Ndiyawabalisa ngemilebe yomlomo wam Onke amasiko omlomo wakho."

¹⁴Ndinemihlali endleleni yezingqiniso zakho, Ngathi kusebuncwaneni bonke."

¹⁵Ndiya kucamngca ngeziyalezo zakho, Ndibheke kumendo wakho."

¹⁶Ndiyaziyolisa ngemimiselo yakho; Andiyi kulilibala ilizwi lakho."

¹⁷Mphathe kakuhle umkhonzi wakho, ndidle ubomi, Ndigcine ilizwi lakho."

¹⁸Vula amehlo am, ukuba ndiyibone Imisebenzi ebalulekileyo yasemyalelweni wakho."

¹⁹Ndingumphambukeli ehlabathini, Musa ukuyisithelisa kum imithetho yakho."

²⁰Umphefumlo wam ucumkile ngokulangazelela Amasiko akho ngamaxesha onke."

²¹Ubakhalimele abakhukhumali, Abaqalekiswa abo, balahlekeneyo nemithetho yakho."

²²Shenxisa imke kum ingcikivo nendelo, Ngokuba ndizibambile izingqiniso zakho."

²³Nangona abathetheli behlala bathethe ngam, Umkhonzi wakho yena ucamngca ngemimiselo yakho."

²⁴Izingqiniso zakho ziziyoliso zam noko, Zingamaphakathi am."

²⁵Umphefumlo wam unamathele eluthulini: Ndiphilise ngokwelizwi lakho."

²⁶Ndizicacisile iindlela zam, wandiphendula; Ndifundise imimisela yakho."

²⁷Ndiqondise iindlela zeziyalezo zakho, Ndicamngce ngemisebenzi yakho ebalulekileyo."

²⁸Umphefumlo wam uvuza iinyembezi sisingqala, Ndimise ngokwelizwi lakho."

²⁹Indlela yobuxoki yisuse kum; Ndibabale umyalelo wakho."

³⁰Ndiyinyule indlela yokuthembeka; Amasiko akho ndijolise kuwo."

³¹Ndinamathele ezingqinisweni zakho; Musa ukundidanisa, Yehova."

³²Ndigidima ngendlela yemithetho yakho, Ngokuba uyenze banzi intliziyo yam."

³³Ndiyalele, Yehova, indlela yemimiselo yakho, Ndiyibambe kuphele."

³⁴Ndiqondise, ndibambe umyalelo wakho, Ndiwugcine ngentliziyo yonke."

³⁵Ndinyathelise endleleni yemithetho yakho, Ngokuba ndiyithandile."

³⁶Intliziyo yam yithobele ezingqinisweni zakho, Ungayithobeli ekubaweni."

³⁷Dlulisa amehlo am angakhangeli inkohlakalo, Ndiphilise ngeendlela zakho."

³⁸Zalisa kumkhonzi wakho intetho yakho, Eyokuba bakoyike."

³⁹Yidlulise ingcikivo yam endinxunguphala yiyo, Ngokuba amasiko akho alungile."

⁴⁰Nanku ndilangazelela iziyalezo zakho, Ndiphilise ngobulungisa bakho."

⁴¹Mazize kum iinceba zakho, Yehova, Nosindiso lwakho ngokwentetho yakho;"

⁴²Ndimphendule ngelizwi ondingcikivayo, Ngokuba ndikholose ngelizwi lakho."

⁴³Musa ukuda ulihluthe emlonyeni wam ilizwi lenyaniso, Ngokuba ndilindele izigwebo zakho;"

⁴⁴Ndowugcina umyalelo wakho ngamaxesha onke, Ngonaphakade kanaphakade;"

⁴⁵Ndihamba-hambe endaweni ebanzi, Ngokuba ndifuna iziyalezo zakho."

⁴⁶Ndothetha ngezingqiniso zakho phambi kokumkani, Ndingabi nakudana."

⁴⁷Ndoziyolisa ngemithetho yakho Endiyithandayo;"

⁴⁸Ndiziphakamise izandla zam emithethweni yakho endiyithandayo, Ndicamngce ngemimiselo yakho."

⁴⁹Khumbula ilizwi lakho kumkhonzi wakho, Ngenxa enokuba undithembise lona."

⁵⁰Yiyo le intuthuzelo yam ekucinezelekeni kwam, Yokuba intetho yakho indiphilisile."

⁵¹Abakhukhumali bada bandigxeka kakhulu; Kanti andithi gu bucala emyalelweni wakho."

⁵²Ndawakhumbula amasiko akho kususela kwanaphakade, Yehova, Ndathuthuzeleka."

⁵³Ndingenwe ngumsindo oshushu, Ndisenziwa ngabangendawo abalahla umyalelo wakho."

⁵⁴Iziingoma kum imimiselo yakho, Endlwini yokuphambukela kwam."

⁵⁵Ndilikhumbule ebusuku igama lakho, Yehova, Ndawugcina umyalelo wakho."

⁵⁶Ndinikwe oku, Ukuba ndibambe iziyalezo zakho."

⁵⁷Isabelo sam, Yehova, ndithi, Sesokuba ndigcine amazwi akho."

⁵⁸Ndiya kubongoza ngentliziyo yonke, Ndibabale ngokwentetho yakho."

⁵⁹Ndazicingela iindlela zam, Ndazibuyisela iinyawo zam ezingqinisweni zakho."

⁶⁰Ndikhawulezile andazila-zila Ukugcina imithetho yakho."

⁶¹Izintya zabangendawo zindithandele, Andiwulibele umyalelo wakhe noko."

⁶²Ndivuka phakathi kobusuku, ndibulele kuwe, Ngenxa yezigwebo zobulungisa bakho."

⁶³Ndilidlelane labo bonke abakoyikayo, Nelabazigcinayo iziyalezo zakho."

⁶⁴Inceba yakho, Yehova, izalise ihlabathi; Ndifundise imimiselo yakho."

⁶⁵Umenzele okulungileyo umkhonzi wakho, Yehova, ngokwelizwi lakho."

⁶⁶Ndifundise, ndibe nemvo nokwazi okulungileyo, Ngokuba ndikholwa yimithetho yakho."

⁶⁷Ndingekacinezelwa, ndaye ndilahleka; Kungoku ndiyigcinile intetho yakho."

⁶⁸Ulungile wena, ulungisa; Ndifundise imimiselo yakho."

⁶⁹Abakhukhumali bathungele ubuxoki ngam; Mna ndizibamba ngentliziyo yonke iziyalezo zakho."

⁷⁰Ithe fithi kukutyeba intliziyo yabo; Ke mna ndiziyolisa ngomyalelo wakho."

⁷¹Kundilungele okokuba ndacinezelwayo, Ukuze ndiyifunde imimiselo yakho."

⁷²Ulungile kum umyalelo womlomo wakho, Ngaphezu kwamawaka egolide nesilivere."

⁷³Izandla zakho zindenzile, zandilungisa; Ndiqondise, ndifunde imithetho yakho."

⁷⁴Abakoyikayo bondibona, bavuye, Ngokuba ndilindele elizwini lakho."

⁷⁵Ndiyazi, Yehova, ukuba zinobulungisa izigwebo zakho; Undicinezele, phofu uthembekile."

⁷⁶Ngamana inceba yakho yaba yeyokundithuthuzela, Njengokwentetho yakho kumkhonzi wakho."

⁷⁷Mazize kum iimfesane zakho, ndiphile, Ngokuba umyalelo wakho undiyolisa."

⁷⁸Mabadane abakhukhumali, ngokuba bendigobele phantsi ngobuxoki, Mna ndicamngca ngeziyalezo zakho."

⁷⁹Mabandibuyele abakoyikayo, Nabazaziyo izingqiniso zakho."

⁸⁰Mayigqibelele intliziyo yam emimiselweni yakho, Ukuze ndingadani."

⁸¹Umphefumlo wam uyaphela kukululangazelela usindiso lwakho, Ndilindele elizwini lakho."

⁸²Amehlo am ayaphela kukulangazelela intetho yakho, Ndisithi, Uya kundithuthuzela nini na?"

⁸³Noko ndithe ndaba njengentsuba emsini; Andiyilibali imimiselo yakho."

⁸⁴Zingaphi na iintsuku zomkhonzi wakho? Uya kuda ubagwebe nini na abandisukelayo?"

⁸⁵Abakhukhumali bandimbele izihogo, Abangenamyalelo wakho."

⁸⁶Yonke imithetho yakho ithembekile: Bandisukela ngobuxoki; ndincede."

⁸⁷Baphantse ukundigqibela emhlabeni, Ke mna andizilahli iziyalezo zakho."

⁸⁸Ndiphilise ngokwenceba yakho, Ndizigcine izingqiniso zomlomo wakho."

⁸⁹Lingunaphakade, Yehova, Limi emazulwini ilizwi lakho."

⁹⁰Ukuthembeka kwakho kukwizizukulwana ngezizukulwana; Ulizinzisile ihlabathi, lema."

⁹¹Ezo zinto zimele izigwebo zakho nanamhla, Ngokuba iinto zonke zingabakhonzi bakho."

⁹²Koko umyalelo wakho wandiyolisayo, Ndinge ndaphelayo ekucinezelekeni kwam."

⁹³Andiyi kuzilibala naphakade iziyalezo zakho, Ngokuba undiphilisile ngazo."

⁹⁴Ndingowakho mna, ndisindise, Kuba ndicamanga ngeziyalezo zakho."

⁹⁵Abangendawo bandilindile ukuze banditshabalalise; Mna ndigqale izingqiniso zakho."

⁹⁶Yonke inzaliseko ndiyibonile apho iphela khona; Ke wona umthetho wakho ngumphangalala omkhulu."

⁹⁷Hayi, ukuwuthanda kwam umyalelo wakho! Imini le yonke ndiyacamngca ngawo."

⁹⁸Indifundisa ubulumko ngaphezu kweentshaba zam imithetho yakho, Ngokuba yeyam ngonaphakade."

⁹⁹Ndinokuqiqa ngaphezu kwabafundisi bam bonke, Ngokuba ngezingqiniso zakho ndiyacamngca."

¹⁰⁰0 Ndinokuqonda ngaphezu kwamadoda amakhulu, Ngokuba ndizibamba iziyalezo zakho."

¹⁰¹1 Ndizinqandile iinyawo zam kwiindlela zonke ezimbi, Ukuze ndiligcine ilizwi lakho."

¹⁰²2 Andisuki emasikweni akho, Ngokuba undiyalile wena."

¹⁰³3 Hayi, ukuba mnandi kwentetho yakho ekhuhlangubeni lam! Igqithe nobusi emlonyeni wam."

¹⁰⁴4 Ngeziyalezo zakho ndinokuqonda, Ngenxa yoko ndiwuthiyile wonke umendo wobuxoki."

¹⁰⁵5 Lisisibane seenyawo zam ilizwi lakho, Likukukhanya emendweni wam."

¹⁰⁶6 Ndikufungele, ndikumisile, Ukuzigcina izigwebo zobulungisa bakho."

¹⁰⁷7 Ndide ndacinezeleka kakhulu; Yehova, ndiphilise ngokwelizwi lakho."

¹⁰⁸8 Ngamana wakholeka kuwe, Yehova, umbingelelo wesisa womlomo wam; Ndifundise amasiko akho."

¹⁰⁹9 Umphefumlo wam uhlala usesandleni sam, Ndingawulibali umyalelo wakho."

¹¹⁰0 Abangendawo bandenzele umgibe, Andiphambukanga eziyalezweni zakho."

¹¹¹1 Ndizidle ilifa izingqiniso zakho ngonaphakade, Ngokuba ziyimihlali yentliziyo yam;"

¹¹²Intliziyo yam ndiyithobele ekwenzeni imimiselo yakho Ngonaphakade, kuphele."

¹¹³Abambaxa ndiyabathiya, Wona umyalelo wakho ndiyawuthanda."

¹¹⁴Isithe lam nengweletshetshe yam nguwe, Ndilindele elizwini lakho."

¹¹⁵Sukani kum, nina benzi beento ezimbi, Ndibambe imithetho yoThixo wam."

¹¹⁶Ndizimase ngokwelizwi lakho, ndiphile, Ungandidanisi ekulindeni kwam."

¹¹⁷Ndixhase ndisinde, Ndihlale ndibheke emimiselweni yakho."

¹¹⁸Ubacukucezile bonke abalahlekana nemimiselo yakho, Ngokuba inkohliso yabo ibubuxoki."

¹¹⁹Wena ususa bonke abangendawo behlabathi njengentlenga, Ngoko ndiyazithanda izingqiniso zakho."

¹²⁰Inyama yam isuka ihambe kukunkwantyiswa nguwe, Ndizoyike izigwebo zakho."

¹²¹Ndenza ngesiko nangobulungisa, Ungandinikeli kwabandicudisayo."

¹²²Mmele umkhonzi wakho, kulunge; Mabangandicudisi abakhukhumali."

¹²³Amehlo am ayaphela kukululangazelela usindiso lwakho, Nentetho yobulungisa bakho."

¹²⁴Umkhonzi wakho menzele ngokwenceba yakho Undifundise imimiselo yakho."

¹²⁵Ndingumkhonzi wakho, ndiqondise, Ndizazi izingqiniso zakho."

¹²⁶Lilixa lokuba uYehova enze, Kuba bawaphule umyalelo wakho."

¹²⁷Ngenxa yoko ndiyithanda imithetho yakho Ngaphezu kwegolide, nakwengcwengiweyo."

¹²⁸Ngenxa yoko ndithi, Zonke iziyalezo zakho zithe tye ngezinto zonke; Wonke umendo wobuxoki ndiwuthiyile."

¹²⁹Ziyimisebenzi ebalulekileyo izingqiniso zakho, Ngenxa yoko uzibambile umphefumlo wam."

¹³⁰Ukutyhila kwamazwi akho kuyakhanyisa, Kuqondisa abazizidenge."

¹³¹Ndakhamisa umlomo wam, ndakhefuza, Ngokuba ndiyilangazelela imithetho yakho."

¹³²Ndibheke, undibabale, Ngokwesiko lakho kubathandi begama lakho."

¹³³Qinisa ukunyathela kwam ngentetho yakho, Mabungabi nagunya kum ubutshinga, nabuphi na."

¹³⁴Ndikhulule ekucudiseni komntu, Ndizigcine iziyalezo zakho."

¹³⁵Khanyisa ubuso bakho kumkhonzi wakho, Undifundise imimiselo yakho."

¹³⁶Ahla imijelo yamanzi amehlo am, Ngenxa yokuba bengawugcini umyalelo wakho."

¹³⁷Ulilungisa wena, Yehova, Zithe tye izigwebo zakho."

¹³⁸Uzimisile izingqiniso zakho, zanobulungisa, Zaba nokuthembeka kakhulu."

¹³⁹Ikhwele lam lindibhangisile, Ngokuba abandibandezelayo bewalibele amazwi akho."

¹⁴⁰Ilizwi lakho linyibilikisiwe njengegolide kunene, Umkhonzi wakho uyalithanda."

¹⁴¹Ndimncinane, ndideliwe, Noko andizilibali iziyalezo zakho."

¹⁴²Ubulungisa bakho bubulungisa obungunaphakade, Umyalelo wakho uyinyaniso."

¹⁴³Imbandezelo nengcutheko indifumene, Imithetho yakho iyandiyolisa."

¹⁴⁴Zinobulungisa ngonaphakade izingqiniso zakho, Ndiqondise, ndiphile."

¹⁴⁵Ndikhala ngentliziyo yonke, ndiphendule; Yehova, imimiselo yakho ndiya kuyibamba."

¹⁴⁶Ndikhala kuwe, ndisindise, Ndigcine izingqiniso zakho."

¹⁴⁷Ndakuphangela ukusa, ndazibika, Ndalindela emazwini akho."

¹⁴⁸Amehlo am aphengela imilindo yasebusuku, Ukuze ndicamngce ngentetho yakho."

¹⁴⁹Live ilizwi lam ngokwenceba yakho, Yehova, ndiphilise ngokwamasiko akho."

¹⁵⁰Bayasondela abaphuthuma amanyala, Banyawuka emyalelweni wakho;"

¹⁵¹Usondele wena, Yehova, Yonke imithetho yakho iyinyaniso."

¹⁵²Kudala ndisazi ngokwezingqiniso zakho, Ukuba uzisekile ngonaphakade."

¹⁵³Khangela ukucinezeleka kwam, undihlangule, Ngokuba ndingawulibali umyalelo wakho."

¹⁵⁴Bambana nobambene nam, undikhulule, Ndiphilise ngokwelizwi lakho."

¹⁵⁵Lunyawukile kwabangendawo usindiso, Ngokuba abayifuni imimiselo yakho."

¹⁵⁶Iimfesane zakho zininzi, Yehova; Ndiphilise ngokwamasiko akho."

¹⁵⁷Baninzi abandisukelayo nabandibandezelayo; Andithi gu bucala ezingqinisweni zakho."

¹⁵⁸Ndababona abatshinizi, ndakruquka, Abo bangayigciniyo intetho yakho."

¹⁵⁹Bona ukuthanda kwam iziyalezo zakho, Yehova, ndiphilise ngokwenceba yakho."

¹⁶⁰Isimbuku selizwi lakho siyinyaniso iphela, Zingunaphakade zonke izigwebo zobulungisa bakho."

¹⁶¹Abathetheli bandisukela ngelize, Intliziyo yam iyankwantyiswa ngamazwi akho."

¹⁶²Ndinemihlali ngentetho yakho, Njengofumene ixhoba elininzi."

¹⁶³Ndikuthiyile ukuxoka, lisikizi kum; Ndiyawuthanda umyalelo wakho."

¹⁶⁴Ndikudumisa kasixhenxe ngemini, Ngenxa yezigwebo zobulungisa bakho."

¹⁶⁵Banoxolo olukhulu abawuthandayo umyalelo wakho; Akukho sikhubekiso kubo."

¹⁶⁶Ndikhangela usindiso lwakho, Yehova; Ndenza imithetho yakho."

¹⁶⁷Umphefumlo wam uyazigcina izingqiniso zakho, Ndizithanda kunene."

¹⁶⁸Ndiyazigcina iziyalezo zakho nezingqiniso zakho, Ngokuba zonke iindlela zam ziphambi kwakho."

¹⁶⁹Makusondele phambi kwakho ukuhlahlamba kwam; Yehova, ndiqondise ngokwelizwi lakho."

¹⁷⁰Masifike isikhungo sam phambi kwakho; Ndihlangule ngokwentetho yakho."

¹⁷¹Umlomo wam mawumpompoze indumiso, Kuba undifundisile imimiselo yakho."

¹⁷²Ulwimi lwam luya kuyiphendula intetho yakho, Ngokuba yonke imithetho yakho inobulungisa."

¹⁷³Isandla sakho masibe sesokundinceda, Ngokuba ndizinyulele iziyalezo zakho."

¹⁷⁴Ndilangazelela usindiso lwakho, Yehova; Umyalelo wakho uyandiyolisa."

¹⁷⁵Mawuphile umphefumlo wam, ukudumise, Andincede amasiko akho."

¹⁷⁶Ndiya ndimka njengemvu elahlekileyo; mfune umkhonzi wakho, Ngokuba andiyilibali imithetho yakho."