His Mercy Endureth For Ever

¹Jehofa ke Modimo, Gomme o re nea seetša. Kgabišang molokeloke wa monyanya ka dithabe; Dirang bjalo go ba go fihla manakeng a aletare."

²Wena o Modimo wa ka, ke tla go reta; Ke tla go phagamiša wena Modimo wa ka."

³Lebogang Jehofa, gobane o lokile; Gobane botho bja gagwe ke bja go iša mehleng ya neng le neng."

⁴Go thaba bao ba se nago bosodi tseleng ya bona, Bao ba sepelago molaong wa Jehofa."

⁵Go thaba bao ba latelago dikgopotšo tša gagwe; Ba dula ba mo tsoma ka dipelo tša bona ka moka."

⁶Ga se ba itlwaetša go dira tše di sa lokago. Ba sepetše ditseleng tša gagwe."

⁷Wena ka bowena o laetše gore ditaelo tša gago Di latelwe ka kelohloko."

⁸A mola nkabe ditsela tša ka di theilwe tša tiišwa Gore ke lote ditaelo tša gago!"

⁹Ge go le bjalo nka se hlabje ke dihlong Ge ke šetša ditaelo tša gago ka moka."

¹⁰Ke tla go reta ka pelo e lokilego Ge ke ithuta dikahlolo tša gago tša go loka."

¹¹Ke dula ke lota ditaelo tša gago. O se ntlogelele sa ruri hle."

¹²Lesogana le ka hlwekiša bjang tsela ya lona? Ka go itota go ya ka lentšu la gago."

¹³Ke go tsomile ka pelo ya ka ka moka. O se ntire gore ke aroge ditaelong tša gago."

¹⁴Ke bolokile dipolelo tša gago ka pelong ya ka, E le gore ke se go direle sebe."

¹⁵Wena Jehofa o wa go retwa. Nthute ditaelo tša gago."

¹⁶Ka molomo wa ka ke boletše Dikahlolo ka moka tša molomo wa gago."

¹⁷Ke ile ka hlalala ke le tseleng ya dikgopotšo tša gago, Go etša ge ke hlalalela dilo tše dingwe ka moka tše bohlokwa."

¹⁸Ke tla tshwenyega ka ditaelo tša gago, Ka ba ka šetša ditsela tša gago."

¹⁹Ke tla rata melao ya gago. Nka se lebale lentšu la gago."

²⁰Nna mohlanka wa gago o ntshware ka tsela e swanetšego, e le gore ke phele Le gore ke lote lentšu la gago."

²¹Mpule mahlo e le gore ke bone Dilo tše di makatšago tše di tšwago molaong wa gago."

²²Ke fo ba modiiledi mo nageng ye. O se ke wa nkutela ditaelo tša gago."

²³Moya wa ka o feditšwe matla ke go hlologela Dikahlolo tša gago ka mehla."

²⁴O kgalemetše baikgodiši bao ba rogakilwego, Bao ba arogago ditaelong tša gago."

²⁵Tloša go gobošwa le go nyatšega ga ka, Gobane ke latetše dikgopotšo tša gago."

²⁶Le dikgošana di ntuletše fase tša ntakana; di boletše gampe ka nna. Ge e le nna mohlanka wa gago, ke tshwenyega ka ditaelo tša gago."

²⁷Le ditaelo tša gago ke a di rata, Di etša baeletši ba ka."

²⁸Moya wa ka o be o dutše o kgomaretše leroleng. Mphediše go ya ka lentšu la gago."

²⁹Ke go boditše ditsela tša ka ka moka e le gore o nkarabe. Nthute ditaelo tša gago."