I Love the LORD

¹Jehofa o ka lehlakoreng la ka; nka se boife. Motho wa lefaseng a ka ntira’ng?"

²Jehofa o ka lehlakoreng la ka gare ga bao ba nthušago, E le gore bao ba ntlhoilego ke ba lebelele ke le bophagamong."

³Go kaone go tšhabela go Jehofa Go e na le go bota motho wa lefaseng."

⁴Go kaone go tšhabela go Jehofa Go e na le go bota bakgomana."

⁵Ditšhaba ka moka di be di ntikologile. Ke ile ka di raka ka leina la Jehofa."

⁶Di be di ntikologile, ee, di ntikologile. Ke ile ka di raka ka leina la Jehofa."

⁷Di be di ntikologile go etša dinose; Di ile tša fedišwa go etša ge go tingwa mollo wa dihlare tša meetlwa. Ke ile ka di raka ka leina la Jehofa."

⁸Di ile tša nkgorometša ka matla gore ke we, Eupša Jehofa yena a nthuša."

⁹Jah ke seširelo sa ka le matla a ka, Ke yena a mphološago."

¹⁰Lentšu le le goelelago ka lethabo le la phološo Le kwala ditenteng tša baloki. Seatla sa le letona sa Jehofa se dira ditiro tše matla."

¹¹Seatla sa le letona sa Jehofa se phagame; Seatla sa le letona sa Jehofa se dira ditiro tše matla."

¹²Nka se hwe, eupša ke tla dula ke phela, E le gore ke bolele ka ditiro tša Jah."

¹³Jah o mphošolotše ka bogale, Eupša ga se a nkgafela lehu."

¹⁴Lena mpuleleng dikgoro tša toko. Ke tla tsena ka tšona; ke tla reta Jah."

¹⁵Ye ke kgoro ya Jehofa. Baloki bona ba tla tsena ka yona."

¹⁶Ke tla go reta, ka gobane o nkarabile Wa ba wa mphološa."

¹⁷Leswika leo baagi ba le gannego Le fetogile hlogo ya sekhutlo."

¹⁸Se se tšwa go Jehofa; Ke se se kgahlišago mahlong a rena."

¹⁹Le ke letšatši leo Jehofa a le dirilego; Lona letšatšing leo re tla thaba ra ba ra hlalala."