Plea Against the Accuser

¹Anke ba tsebe gore se ke seatla sa gago; Gore wena Jehofa, ke wena o dirilego se."

²Anke bona ba nthogake, Eupša wena o ntšhegofatše. Ba eme gore ba lwe le nna, eupša anke ba hlabje ke dihlong, Le gona anke nna mohlanka wa gago ke thabe."

³Anke bao ba nkganetšago ba apare go kokobetšwa, Anke ba itatetše ka dihlong tša bona go etša ge ba itateditše ka seaparo sa go hloka matsogo."

⁴Ke tla reta Jehofa kudu ka molomo wa ka, Le gona ke tla mo tumiša ke le gare ga batho ba bantši."

⁵Gobane o tla ema ka letsogong la le letona la modiidi, Gore a mo phološe go bao ba mo ahlolago gampe."

⁶Jehofa o boditše Morena wa ka a re: “Dula ka letsogong la ka la le letona Go fihla ke bea manaba a gago e le bogato bja dinao tša gago.”"

⁷Jehofa o tla romela molamo wa matla a gago go tšwa Tsione, a re: “Eya o fenye gare ga manaba a gago.”"

⁸Batho ba gago ba tla ithaopa mohlang o etšwa dira. Bokgethweng bjo bo kgahlišago, O na le sehlopha sa gago sa bafsa bao ba etšago marothodi a phoka ya masa."

⁹Jehofa o enne (gomme a ka se itshole.) O itše: “O moperisita go iša mehleng ya neng le neng Go ya ka mokgwa wa Melekitsedeke!”"

¹⁰Jehofa yena o tla pšhatlaganya dikgoši letšatšing la bogale bja gagwe, O tla dira seo a le ka letsogong la gago la le letona."

¹¹O tla ahlola ditšhaba; A tlatša ditopo mo gohle. O tla pšhatlaganya yo e lego hlogo ya naga ya ba bantši."

¹²Mo tseleng o tla nwa moeding wa mafula. Ke ka baka leo a tlago go tsoša hlogo."

¹³Tumišang Jah! Ke tla reta Jehofa ka pelo ya ka ka moka Ke le gare ga sehlopha sa baloki le gare ga phuthego."

¹⁴Mediro ya Jehofa ke e megolo. E nyakišišwa ke bohle bao e ba kgahlago."

¹⁵Modiro wa gagwe ke seriti le letago, Toko ya gagwe e eme ka mo go sa felego."

¹⁶O dirile gore mediro ya gagwe e makatšago e gopolwe. Jehofa ke yo a šokelago le yo a gaugelago."

¹⁷Bao ba mmoifago o ba neile dijo. O tla gopola kgwerano ya gagwe go iša mehleng ya neng le neng."

¹⁸O boditše batho ba gagwe matla a mediro ya gagwe Ka go ba nea bohwa bja ditšhaba."

¹⁹Mediro ya diatla tša gagwe e a rereša e bile e lokile; Ditaelo tša gagwe ka moka tšeo a di neago di a botega,"

²⁰Di thekgwa gabotse ka mo go sa felego, go iša mehleng ya neng le neng, Di dirilwe ka go rereša le ka go loka."

²¹O rometše topollo bathong ba gagwe. O laetše gore kgwerano ya gagwe e be gona go iša mehleng ya neng le neng. Leina la gagwe ke le lekgethwa e bile le a boifiša."

²²Go boifa Jehofa ke mathomo a bohlale. Bohle bao ba latelago ditaelo tšeo ba na le temogo e botse. Yena o tla tumišwa ka mo go sa felego."

²³Tumišang Jah! Go thaba motho yo a boifago Jehofa, Yoo a kgahlwago kudu ke ditaelo tša gagwe."

²⁴Bana ba gagwe e tla ba ba matla lefaseng. Ge e le ditlogolo tša baloki di tla šegofatšwa."

²⁵Ka ntlong ya gagwe go na le dilo tše bohlokwa le mahumo; Toko ya gagwe e dula e eme ka mo go sa felego."

²⁶O phadimile leswiswing bjalo ka seetša go baloki. Ke yo a šokelago, yo a gaugelago le yo a lokilego."

²⁷Monna yo a nago le lešoko le yo a adimago ba bangwe ke yo botho. Ditaba tša gagwe o di dira ka toka."

²⁸Gobane ga go mohla a tlago go thekesela. Moloki o tla gopolwa go iša mehleng ya neng le neng."

²⁹Gaešita le ditaba tše mpe di ka se mo tšhoše. Pelo ya gagwe e tiile, e ithekgile ka Jehofa."

³⁰Pelo ya gagwe ga e šišinyege; a ka se boife, Mafelelong o tla lebelela manaba a gagwe yena a le bophagamong."

³¹O abile dilo ka bontši; o file badiidi. Toko ya gagwe e dula e eme ka mo go sa felego. Lenaka la gagwe le tla phagamišwa ka letago."