Praise Ye the LORD

¹Le gore o tla fedišetša bana ba bona ditšhabeng, A ba a ba gašanya le dinaga."

²Ba ikgomaretša go Baali wa Peoro Le go ja dihlabelo tšeo di hlabetšwego bahu."

³Ge ba be ba dutše ba oba molato ka mediro ya bona, Ba ile ba welwa ke bošula gare ga bona."

⁴Eitše ge Finease a eme gomme a tsene ditaba ka bogare, Ya ba gona bošula bjoo bo kgaotšago."

⁵A balelwa seo e le toko Go iša melokong le melokong le go iša mehleng ya neng le neng."

⁶Go oketša moo ba ile ba baka kgalefo meetseng a Meriba, Moo dilo di ilego tša sepelela Moshe gampe ka baka la bona."

⁷Gobane ba ile ba galefiša moya wa gagwe Gomme a šaetša ka molomo wa gagwe."

⁸Ba se fediše merafo e mengwe, Go etša ge Jehofa a be a ba boditše."

⁹Ba itswakanya le ba ditšhaba Gomme ba ithuta mekgwa ya bona."

¹⁰Ba hlankela medingwana ya bona, Yona ya fetoga molaba go bona."

¹¹Ba be ba direla batemona sehlabelo ka barwa Le barwedi ba bona."

¹²Ka gona ba thula madi a se nago molato, E lego madi a barwa ba bona le barwedi ba bona, Bao ba diretšego medingwana ya Kanana dihlabelo ka bona; Naga ya šilafatšwa ke go tšhollwa ga madi."

¹³Ba šilafatšwa ke mediro yeo ya bona, Ba ba ba dula ba sa botege ka tšeo ba bego ba di dira."

¹⁴Ke moka bogale bja Jehofa bja tukela batho ba gagwe, A hlaswa bohwa bja gagwe."

¹⁵A ba gafela leboelela ka diatleng tša ditšhaba, Gore ba bušwe ke bao ba ba hloilego,"

¹⁶E le gore manaba a bona a ba gatelele, Le gore ba gafelwe diatleng tša ona."

¹⁷O be a ba hlakodiša gantši, Eupša bona ba be ba rabela tseleng ya bona ya go se kwe, Ke moka ba kokobeletšwa molato wa bona."

¹⁸O be a bona tlalelo ya bona Ge a be a ekwa sello sa bona sa ge ba mo lopa."

¹⁹O be a gopola kgwerano ya gagwe yeo a e dirilego le bona, Ke moka a šegame ka baka la go ata ga botho bja gagwe bjo bogolo."

²⁰A dira gore ba šokelwe Ke bohle bao ba ba thopilego."

²¹Re phološe hle Jehofa Modimo wa rena, Re kgoboketše go tšwa ditšhabeng Gore re tle re leboge leina la gago le lekgethwa, Re be re bolele ka go hlalala re go tumiša."

²²A go retwe Jehofa Modimo wa Isiraele Go tloga mehleng ya neng le neng gaešita le go iša mehleng ya neng le neng; Anke batho ka moka ba re: “Amene.” Tumišang Jah!"

²³Anke le lebogeng Jehofa, gobane o lokile; Gobane botho bja gagwe ke bja go iša mehleng ya neng le neng."

²⁴Anke bao ba lopolotšwego ke Jehofa ba bolele seo, Bona bao a ba lopolotšego seatleng sa lenaba,"

²⁵E bile a ba kgobokeditšego go tšwa dinageng dišele, Go tšwa ka bohlabela le ka bodikela, Le go tšwa ka leboa le ka borwa."

²⁶Ba ile ba ralala le lešoka, gona kua leganateng; Ga se ba hwetša tsela le ge e le efe ya go ya motseng woo ba ka dulago go wona."

²⁷Ba be ba swerwe ke tlala, e bile ba nyorilwe; Ba nyaka ba ehwa."

²⁸Ba goeletša Jehofa ba le tlalelong; A ba hlakodiša dikgatelelong tšeo di ba wetšego,"

²⁹Le gona a ba sepediša tseleng ya go loka, E le gore ba fihle motseng woo ba ka dulago go wona."

³⁰Anke batho ba leboge Jehofa ka baka la botho bja gagwe, Le ka baka la mediro ya gagwe e makatšago yeo a e direlago bana ba batho."

³¹Gobane o nyorolotše moya o nyorilwego; Moya o swerwego ke tlala a o horiša ka tše bose."

³²Go be go na le bao ba bego ba dula leswiswing le kgamping ya leswiswi, E le bagolegwa ba hlakišwago bao e bilego ba tlemilwe ka ditšhipi."

³³Gobane ba be ba rabetše mantšung a Modimo; Ba be ba nyaditše tlhahlo ya Yo Godimodimo."

³⁴O kokobeditše pelo ya bona ka mathata; Ba ile ba kgopša, gwa se be le yo a ba thušago."

³⁵Eitše ge ba le tlalelong ba hlabela Jehofa mokgoši wa gore a ba thuše; Yena bjalo ka mehleng a ba phološa dikgatelelong tšeo di ba wetšego."

³⁶A ba ntšha leswiswing le kgamping ya leswiswi, A ba a kgaola ditlemo tša bona."

³⁷Anke batho ba leboge Jehofa ka baka la botho bja gagwe, Le ka baka la mediro ya gagwe e makatšago yeo a e direlago bana ba batho."

³⁸Gobane o robile mejako ya koporo, E bile o ripile mapheko a tšhipi."

³⁹Bao e bego e le mašilo ka baka la tsela ya bona ya go tshela molao Le ka baka la melato ya bona, mafelelong ba ile ba ipakela mohlako."

⁴⁰Moya wa bona o ile wa hlaswa gaešita le mohuta o mongwe le o mongwe wa dijo, E bile ba be ba le kgauswi le go fihla dikgorong tša lehu."

⁴¹Ba hlabela Jehofa mokgoši wa gore a ba thuše tlalelong ya bona; Yena bjalo ka mehleng a ba phološa dikgatelelong tšeo di ba wetšego."

⁴²A romela lentšu la gagwe a ba fodiša, A ba a ba hlakodiša meleteng ya bona."

⁴³Anke batho ba leboge Jehofa ka baka la botho bja gagwe, Le ka baka la mediro ya gagwe e makatšago yeo a e direlago bana ba batho."

⁴⁴Anke ba iše dihlabelo tša ditebogo Gomme ba bolele mediro ya gagwe ka lethabo."

⁴⁵Bao ba theogelago lewatleng ka dikepe, Ba gwebago meetseng a ikadilego,"

⁴⁶Ke bona bao ba bonego mediro ya Jehofa Le mediro ya gagwe e makatšago madibeng;"

⁴⁷Kamoo a ntšhago lentšu gomme a tsoša phefo e matla, Ke moka ya kukela maphoto a lewatle godimo."

⁴⁸Ba rotogela magodimong, Ba bile ba theogela tlase. Ba ile ba ba ba nolwa moko ke bošula."