Remember His Wonders

¹Ba ba bontšha dipontšho tša gagwe, Le mehlolo nageng ya Hama."

²A romela leswiswi gomme a e swifatša; Ba se rabele mantšung a gagwe."

³A fetoša meetse a bona madi, Ke moka a bolaya dihlapi tša bona."

⁴Naga ya bona e ile ya tlala digwagwa, Ka diphapošing tša ka gare tša dikgoši tša bona."

⁵A laela gore go tsene diboba Le menang dileteng tša bona ka moka."

⁶A neša sefako, A ba a laumiša dikgabo tša mollo nageng ya bona."

⁷A rothotha merara ya bona le mego ya bona Le go roba dihlare tša nageng ya bona."

⁸A re go tsene ditšie Le bojane, ya ba tše dintšintši."

⁹Tša ja dimela ka moka tša nageng ya bona; Tša ja le dienywa tša mmung wa bona."

¹⁰A bolaya leitšibulo le lengwe le le lengwe nageng ya bona, Tšona dithakaletswalo tša bona ka moka."

¹¹A ntšha batho ba gagwe ba swere silifera le gauta; Gwa se be le o tee melokong ya batho ba gagwe yo a kgopšago."

¹²Egipita e ile ya thaba ge ba etšwa, Gobane ba be ba e tšhošitše."

¹³A phurolla leru gore e be seširo, A dira gore mollo e be seetša bošego."

¹⁴Ge ba kgopela nama o ile a ba nea dikhwiri, A dula a ba khoriša ka senkgwa se se tšwago legodimong."

¹⁵A bula leswika gomme meetse a elela; Meetse ao a elela maganateng bjalo ka noka."

¹⁶Gobane o ile a gopola lentšu la gagwe le lekgethwa leo a le boditšego Aborahama mohlanka wa gagwe."

¹⁷Ka gona a ntšha batho ba gagwe ka tlhalalo, A ntšha bahlaolwa ba gagwe ka lethabo."

¹⁸A feleletša a ba neile dinaga tša ditšhaba, Ba tšea leruo leo ditšhaba di le šometšego ka thata,"

¹⁹E le gore ba lote ditaelo tša gagwe Le go latela melao ya gagwe. Tumišang Jah!"

²⁰Tumišang Jah! Lebogang Jehofa, gobane o lokile; Gobane botho bja gagwe ke bja go iša mehleng ya neng le neng."

²¹Ke mang a ka bolelago mediro e matla ya Jehofa, Goba ke mang a ka dirago gore ditumišo tša gagwe ka moka di kwewe?"

²²Go thaba bao ba lotago toka, Bao ba dirago toko ka dinako tšohle."

²³Hle Jehofa, nkgopole ka kgahlego yeo o kgahlegelago batho ba gago ka yona. Ntlhokomele o be o mphološe,"

²⁴Gore ke bone botho bja bahlaolwa ba gago, Gore ke thabe ka lethabo la setšhaba sa gago, Le gore ke ikgantšhe ka bohwa bja gago."

²⁵Re dirile sebe go etša borakgolokhukhu ba rena; Re fošitše; re dirile bokgopo."

²⁶Ge e le borakgolokhukhu ba rena kua Egipita bona, Ba paletšwe ke go lemoga mediro ya gago e makatšago. Ga se ba gopola bogolo bja botho bja gago bjo bogolo, Eupša ba ile ba itshwara ka tsela ya borabele kua lewatleng, gona Lewatleng le Lehwibidu."

²⁷A ba phološa ka baka la leina la gagwe, E le gore a tsebagatše matla a gagwe."

²⁸Ke moka a kgalemela Lewatle le Lehwibidu, la feleletša le gopile; A ba phatšiša bodibeng bjalo ka ge eka ba phatša lešokeng;"

²⁹Ka gona a ba phološa seatleng sa mohloi Le go ba hlakodiša seatleng sa lenaba."

³⁰Ke moka meetse a khupetša manaba a bona; Gwa se šale le letee la ona."

³¹Ka gona ba ba le tumelo lentšung la gagwe; Ba opela ditumišo tša go mo tumiša."

³²Eupša ba lebala mediro ya gagwe ka go akgofa; Ba se letele tlhahlo ya gagwe."

³³Eupša ba ile ba bontšha kganyogo ya bona ya boithati lešokeng Gomme ba leka Modimo leganateng."

³⁴Yena a ba nea seo ba bego ba se kgopela, Le go romela bolwetši bjo bo otišago gare ga bona."

³⁵Ke moka ba hufegela Moshe mešašeng, Gaešita le Arone mokgethwa wa Jehofa."

³⁶Ke moka lefase la ahlama la metša Dathane, La ba la khupetša sehlopha sa Abirama."

³⁷Mollo wa tuka gare ga bona; Kgabo ya ja ba kgopo."

³⁸Go oketša moo, ba ile ba dira namane kua Horebe Ba ba ba khunamela modimo wa seswantšho,"

³⁹Moo letago la ka ba ilego ba le nea Seswantšho sa poo, yona yeo e fulago bjang."

⁴⁰Ba ile ba lebala Modimo Mophološi wa bona, Yena yo a dirilego dilo tše kgolo kua Egipita,"

⁴¹A dira le mediro e makatšago nageng ya Hama, Le dilo tše di boifišago Lewatleng le Lehwibidu."

⁴²O be a šetše a re o a ba fediša, Ge nkabe e se be Moshe mohlaolwa wa gagwe, Yo a ilego a ba phophothela go yena, Gore a okobatše pefelo ya gagwe ya gore a ba fediše."

⁴³Ba thoma go nyatša naga e rategago; Ba se dumele lentšu la gagwe."

⁴⁴Ba dula ba ngunanguna ka ditenteng tša bona; Ba se theetše lentšu la Jehofa."

⁴⁵Ka gona a ba enela a emišitše seatla sa gagwe, Gore o tla ba fedišetša lešokeng,"