Bless the LORD for Creation

¹Ka moka ga tšona di dula di go letile Gore o di fe dijo tša tšona ka lebaka la gona."

²Di topa tšeo o di neago tšona. O khupurolla seatla sa gago—tšona tša horišwa ke dilo tše bose."

³Ge o uta sefahlego sa gago, di a ferekana. Ge o di amoga moya, di a hwa, Tša boela leroleng leo di tšwago go lona."

⁴Ge o roma moya wa gago, di a bopega; Wena o mpshafatša naga."

⁵Letago la Jehofa e tla ba la go iša mehleng ya neng le neng. Jehofa o tla thabela mediro ya gagwe."

⁶O lebelela lefase, la thothomela; O kgwatha dithaba, tša thunya muši."

⁷Ke tla opelela Jehofa bophelong bja ka ka moka; Ke tla gobela Modimo wa ka ge feela ke sa phela."

⁸Anke ke kgahlwe ke go naganišiša ka yena. Ge e le nna, ke tla thabela Jehofa."

⁹Badiradibe ba tla fedišwa lefaseng; Ge e le ba kgopo, ba ka se sa ba gona. Reta Jehofa wena moya wa ka. Tumišang Jah!"

¹⁰Lebogang Jehofa, bitšang leina la gagwe, Tsebatšang mediro ya gagwe merafong."

¹¹Mo opeleleng, mo gobeleng, Kgahlegelang mediro ya gagwe ka moka e makatšago."

¹²Ikgantšheng ka leina la gagwe le lekgethwa. Anke dipelo tša bao ba nyakago Jehofa di thabe."

¹³Tsomang Jehofa le matla a gagwe. Nyakang sefahlego sa gagwe ka mehla."

¹⁴Gopolang mediro ya gagwe e makatšago yeo a e dirilego, Le gopoleng mehlolo ya gagwe le dikahlolo tša molomo wa gagwe,"

¹⁵Lena ba peu ya Aborahama mohlanka wa gagwe, Lena barwa ba Jakobo, lena bahlaolwa ba gagwe."

¹⁶Ke Jehofa Modimo wa rena. Dikahlolo tša gagwe di lefaseng ka moka."

¹⁷O gopotše kgwerano ya gagwe gaešita le go iša mehleng ya neng le neng, E lego lentšu leo a le laetšego go iša melokong e sekete (1 000),"

¹⁸Yona kgwerano yeo a e dirilego le Aborahama, Le keno ya gagwe yeo a e enetšego Isaka,"

¹⁹Yona keno yeo a e dirilego gore e dule e le molao gaešita le go Jakobo, Le kgwerano ya go iša mehleng ya neng le neng gaešita le go Isiraele,"

²⁰A re: “Ke tla go nea naga ya Kanana Gore e be karolo ya bohwa bja lena.”"

²¹Se se diregile nakong ya ge e be e sa le ba sego kae ka palo, Ee, e sa le ba sego kaenyana, e bile e le badiiledi go yona."

²²Ba dula ba ralala go tloga setšhabeng se sengwe go ya go se sengwe, Go tloga mmušong o mongwe go ya bathong ba bangwe."

²³Ga se a ka a dumelela gore motho le ge e le ofe a ba radie, Eupša o kgalemile dikgoši ka baka la bona,"

²⁴A re: “Le se kgwathe batlotšwa ba ka, Le baporofeta ba ka le se ba dire selo se sebe.”"

²⁵A wiša tlala nageng; A se sa ba nea dijo."

²⁶Pele ga bona a romela Monna yo a bego a rekišitšwe go ba lekgoba, e lego Josefa."

²⁷Ba mo tlema dinao ka ditlemo, A tlengwa ka ditšhipi;"

²⁸Go ba go fihla ka nako yeo lentšu la Jehofa le phethagetšego ka yona, Ge lentšu leo le mo dira gore e be yo a sekilego."

²⁹Kgoši ya laela gore a lokollwe, Yena mmuši yoo wa meraforafo a mo lokolla."

³⁰A mmea mohlokomedi wa ba lapa la gagwe Le molaodi wa thoto ya gagwe ka moka,"

³¹A mo dira molaodi wa dikgošana tša gagwe, gomme o be a tla ba diriša kamoo a bego a rata ka gona, Le gore a rute banna ba bagolo ba gagwe bohlale."

³²Isiraele yena a tla Egipita, Jakobo yena a diilela nageng ya Hama."

³³Modimo a dula a atiša batho ba gagwe, A dira gore ba feleletše ba feta manaba a bona ka matla."

³⁴A fetoša dipelo tša ona gore di hloye batho ba gagwe, A dire bahlanka ba gagwe tša bomenetša."

³⁵A roma Moshe mohlanka wa gagwe, Le Arone yo a mo kgethilego."