Bless the LORD, O My Soul

¹O theile lefase godimo ga metheo ya lona; Le ka se tsoge le thekesetše go iša mehleng ya neng le neng, le ka mo go sa felego."

²O le apešitše bodiba bjalo ka kobo. Meetse a be a eme gona kua godimo ga dithaba."

³Ge o a kgalemela a ile a tšhaba; Ge a ekwa modumo wa legadima la gago a ile a tšhaba a tšhogile,"

⁴A tšhabela lefelong leo o a theetšego ona. Dithaba tša rotoga, Melala ya theoga."

⁵O a beetše mellwane yeo a sa swanelago go e tshela, E le gore a se ke a buša a aparetša lefase."

⁶O romela methopo ya meetse meeding ya mafula; E elela magareng ga dithaba."

⁷E nea diphoofolo tša naga meetse; Dipitsi di timola lenyora la tšona go yona ka mehla."

⁸Dinonyana tša magodimong di khutša godimo ga yona; Di kwatša melodi ya tšona di le gare ga makala."

⁹Yena o kolobiša dithaba go tšwa diphapošing tša gagwe tša ka godimo. Lefase le khorišwa ke mediro ya diatla tša gago."

¹⁰O hlogišetša diphoofolo bjang bjo botala, Le dimela gore di hole batho, Gore o ntšhe dijo lefaseng,"

¹¹Le beine yeo e thabišago pelo ya motho wa nama le madi, O phadimiša sefahlego ka makhura, O dira senkgwa seo se fepago pelo ya motho wa nama le madi."

¹²Dihlare tša Jehofa di kgotsofetše, Tšona dihlare tša metsedara tša Libanoni tšeo a di bjetšego,"

¹³Moo dinonyana di agago dihlaga tša tšona gona. Ge e le mogolodi wona, ntlo ya wona ke dihlare tša mojunipere."

¹⁴Dithaba tše telele ke tša dipudi tša thaba; Magaga ke botšhabelo bja dipela."

¹⁵O beetše kgwedi dinako tša yona; Letšatši lona le tseba moo le sobelago gona."

¹⁶O dira gore leswiswi le be gona, gore e be bošego; Nakong yeo ke moo dibata ka moka di sepelasepelago."

¹⁷Ditawana tša mariri di rora ge di nyaka dijo tša tšona Le ge di tsoma dijo go tšwa go Modimo."

¹⁸Ge letšatši le thoma go hlaba—di boela morago Gomme tša robala moo di utamago gona."

¹⁹Motho o ya mošomong wa gagwe Le modirong wa gagwe go fihlela mantšiboa."

²⁰Mediro ya gago ke e mentši gakaakang, wena Jehofa! Ka moka ga yona o e dirile ka bohlale. Lefase le tletše dilo tšeo o di tšweleditšego."

²¹Ge e le lewatleng le le legolo kudu, Go na le dilo tše dintšintši tšeo di sepelago gona, Tšona diphedi tše dinyenyane le tše dikgolo."

²²Dikepe di ya moo; Ge e le Lebiathane yena, o mmopetše gore a bapale ka go lona."