I Will Walk With a Perfect Heart

¹Gobane Jehofa o lebeletše fase a le boemong bja gagwe bjo bo phagamego bjo bokgethwa, O lebeletše lefaseng a le gona kua magodimong,"

²Gore a kwe go fegelwa ga mogolegwa, Le gore a lokolle bao ba ahloletšwego lehu;"

³Gore leina la Jehofa le tsebatšwe Tsione Le gore a tumišwe Jerusalema,"

⁴Ge merafo e kgobokeditšwe gotee, Gomme mebušo e tlile go hlankela Jehofa."

⁵Ge ke le gare tseleng ya bophelo o ile a mphetša matla, A fokotša matšatši a ka."

⁶Nna ka re: “Hle Modimo wa ka, O se ntloše ke le bogareng bja matšatši a ka a bophelo;Nywaga ya gago ke ya go tloga melokong go iša melokong."

⁷O theile metheo ya lefase kgalekgale, Magodimo ona ke modiro wa diatla tša gago."

⁸Tšona di tla onala, eupša ge e le wena o tla dula o eme; Ka moka ga tšona di tla hlagala go fo etša seaparo. O tla di lahla go etša ge seaparo seo se onetšego se lahlwa ke moka gwa aparwa se sengwe, gomme di tla felelwa ke nako ya tšona tša tšeelwa legato ke tše dingwe."