Plea Against the Wicked

¹Ba botšana maaka; Ka melomo e boreledi ba bolela ka dipelo tše pedi."

²Jehofa o tla ripa melomo ka moka e boreledi, A ripa le leleme leo le bolelago tša boikgantšho,"

³Bao ba itšego: “Re tla buša ka maleme a rena. Melomo ya rena ke ya rena. Ke mang yo e ka bago mong wa rena?”"

⁴“Ka baka la go tlaišwa ga bahlaki, ka baka la go fegelwa ga badiidi, Bjale ke tla ema,” o re’alo Jehofa. “Ke tla ba bea moo ba tla šireletšegago mothong le ge e le ofe yo a ba nyatšago.”"

⁵Dipolelo tša Jehofa ke dipolelo tše di sekilego, Di etša silifera yeo e sekišitšwego sebešong sa fase sa go tološetša, ya hlwekišwa ka makga a šupa."

⁶Wena Jehofa, o tla ba hlapetša; O tla šireletša yo mongwe le yo mongwe wa bona diatleng tša moloko wo go iša mehleng ya neng le neng."

⁷Ba kgopo ba sepela mo gohle, Ka gobane go godišwa bobe baneng ba batho."

⁸Ao hle Jehofa, o tla ntebala go fihla neng? Na e tla ba ka mo go sa felego? O tla nkutela sefahlego sa gago go fihla neng?"

⁹Ke tla ganetša moya wa ka go fihla neng? Ke tla kgaotša neng go nyama ka pelong letšatši ka moka? Lenaba la ka le tla mphagamela go fihla neng?"

¹⁰Hle Jehofa Modimo wa ka, ntebelele, nkarabe. Phadimiša mahlo a ka, e le gore ke se ke ka robala boroko bja lehu,"

¹¹E le gore lenaba la ka le se re: “Ke mo fentše!” Le gore baganetši ba ka ba se thabele gore ke thekeseditšwe."

¹²Ge e le nna ke botile botho bja gago; Anke pelo ya ka e thabele phološo ya gago."

¹³Ke tla opelela Jehofa, gobane o mputsitše."

¹⁴Wa go hloka tlhaologanyo o ipotša ka pelong ya gagwe gore: “Jehofa ga a gona.” Ba dirile tše di senyago, ba dirile tše di šišimišago ditirong tša bona. Ga go yo a dirago tše botse."

¹⁵Ge e le Jehofa, o lebeletše fase a le gona kua legodimong gore a bone bana ba batho, Gore a bone ge e ba go na le yo a nago le temogo, yo a tsomago Jehofa."

¹⁶Ka moka ga bona ba arogile, ka moka ga bona ba senyegile; Ga go yo a dirago tše botse, Le o tee ga a gona."

¹⁷Na ga go le o tee wa bao ba tlwaetšego go dira tše di gobatšago yo a nago le tsebo, E le mo ba eja batho ba ka go etša ge ba eja dijo? Le Jehofa ga se ba mmitša."

¹⁸Gona moo ba be ba tšhogile kudu, Gobane Jehofa o gare ga moloko wa baloki."