The Two Ways

¹Ubulumko buyakhile indlu yabo, Buzixholile iintsika zabo zosixhenxe;"

²Buzixhelile iinkomo zabo, buyiphithikezile iwayini yabo; Busilungisile nesithebe sabo;"

³Buthume umthinjana wabo, buyamema Ezingqolweni zeenduli zesixeko, buthi,"

⁴Ngubani na osisiyatha? Makaphambukele apha. Oswele intliziyo, buthi kuye,"

⁵Yizani nidle isonka sam, Nisele iwayini endiyiphithikezileyo."

⁶Yekani ukuba ziziyatha, niphile, Ninyathele endleleni yengqondo."

⁷Othethisa umgxeki uzizekela ucukucezo; Owohlwaya ongendawo uzizekela isiphako."

⁸Musa ukumohlwaya umgxeki, hleze akuthiye; Yohlwaya isilumko, sokuthanda."

⁹Siluleke isilumko, solumka okunye; Lazise ilungisa, lokongeza ukufunda."

¹⁰Yingqalo yokulumka ukoyika uYehova; Ukumazi oyiNgcwele kwaphela yingqondo."

¹¹Kuba yoba mininzi imihla yakho, Wongezwe iminyaka yobomi."

¹²Ukuba uthe walumka, uzilumkela okwakho; Ukuba uthe wagxeka, oko wokuthwala wedwa."

¹³Umfazi onguNonyabi uyaxokozela, Unobuyatha, akazi nto;"

¹⁴Uhleli emnyango endlwini yakhe esihlalweni, Ezindaweni eziphezulu zesixeko,"

¹⁵Ukuba ameme abadlula ngendlela, Abalungelelanisa umendo wabo, esithi,"

¹⁶Ngubani na osisiyatha? Makaphambukele apha. Koswele intliziyo, uthi yena,"

¹⁷Amanzi abiweyo anencasa, Nesonka esityiwa ngasese simnandi kunene."

¹⁸Akazi ukuba abafileyo bakhona; Basezinzulwini zelabafileyo abamenywa bakhe. Imizekeliso kaSolomon."